ବ୍ରହ୍ମପୁର: ପଞ୍ଚାୟତ ନିର୍ବାଚନ ବିଜ୍ଞପ୍ତି ପ୍ରକାଶ ପାଇବା ପରେ ଗଞ୍ଜାମ ଜିଲ୍ଲାରେ କିଭଳି ହେବ ପ୍ରାର୍ଥୀ ଚୟନ ସେନେଇ ଗୁରୁମନ୍ତ୍ର ଦେଇଛନ୍ତି ଗଞ୍ଜାମ ଜିଲ୍ଲାର ବିଜେଡି ପର୍ଯ୍ୟବେକ୍ଷକ ତଥା ରାଜ୍ୟ ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ ମଲ୍ଲିକ । ତ୍ରି-ସ୍ତରୀୟ ପଞ୍ଚାୟତ ନିର୍ବାଚନ ସମୟରେ ଦଳ ପକ୍ଷରୁ କିପରି ଗଞ୍ଜାମର ୬୯ ଟି ଜିଲ୍ଲା ପରିଷଦ ସଦସ୍ୟ, ସରପଞ୍ଚ ଓ ସମିତି ସଭ୍ୟ ପ୍ରାର୍ଥୀ ଚୟନରେ କିଭଳି ଭାବରେ ପ୍ରାର୍ଥୀ ବିଜୟୀ ହେବେ ତାକୁ ନେଇ ଗୁରୁତ୍ୱ ଦେବାକୁ କୁହାଯାଇଛି ।
ଏହି ଅବସରରେ ମନ୍ତ୍ରୀ ଜିଲ୍ଲାର ସମସ୍ତ ବିଧାୟକଙ୍କ ସହିତ ପ୍ରାର୍ଥୀ ଚୟନକୁ ନେଇ ଆଲୋଚନା କରିଥିଲେ । ଦଳ ପକ୍ଷରୁ ଯାହାକୁ ପ୍ରାର୍ଥୀ କରାଯିବ ତାହାକୁ ସମସ୍ତେ ଗୁରୁତ୍ୱ ଦେବେ ବୋଲି କହିଛନ୍ତି ମନ୍ତ୍ରୀ । ଏପରିକି ବିରୋଧି ଦଳର ସ୍ଥାନ ନାହିଁ ବୋଲି ଗଣମାଧ୍ୟମ ସହିତ ଆଲୋଚନା ସମୟରେ କହିଛନ୍ତି । ପ୍ରତ୍ୟେକ ଦିନ ଆମ ଦଳ କାର୍ଯ୍ୟକରୁ ଥିବାବେଳେ ନିୟମିତ ଭାବରେ କାର୍ଯ୍ୟଧାରା ଜାରିରହିଛି । ଲୋକଙ୍କ ସହିତ ସିଧାସଳଖ ସମ୍ପର୍କ ରହିଛି । ବିଶେଷ ଭାବରେ ଯେଉଁ କୋଭିଡ ନିୟମ ମଧ୍ୟରେ ନିୟମ କରାଯାଇଛି ତାହାକୁ ମାନିବା ସହିତ ମୁଖ୍ୟମନ୍ତ୍ରୀ ଯାହା ନିଷ୍ପତ୍ତି କରିବେ ତାକୁ ସମସ୍ତେ ମାନି ନିର୍ବାଚନ ଲଢିବେ ବୋଲି କୁହାଯାଇଛି ।
ପ୍ରତ୍ୟେକ ଜୋନରୁ ତିନି ଜଣଙ୍କ ନାମ ସୁପାରିଶ କରାଯିବ । ଯାହାର ନାମ ଘୋଷଣା କରାଯିବ ତାଙ୍କୁ ସମସ୍ତେ ମାନିବେ । ଅପରାଧିକ ତାଲିକା ରହିଥିବା ଲୋକଙ୍କ ବିଶେଷ ଭାବରେ ସ୍ଥାନ ନାହିଁ ବୋଲି କହିଛନ୍ତି । ଏହି ବୈଠକରେ ଜିଲ୍ଲା ବିଜେଡି ସଭାପତି ତଥା ପୂର୍ବତନ ବିଧାୟକ ଡାକ୍ତର ରମେଶ ଚନ୍ଦ୍ର ଚ୍ୟାଉ ପଟ୍ଟନାୟକ, ଛତ୍ରପୁର ବିଧାୟକ ସୁବାସ ଚନ୍ଦ୍ର ବେହେରାଙ୍କ ସମେତ ଜିଲ୍ଲାର ସମସ୍ତ ବିଧାୟକମାନେ ଉସ୍ଥିତ ଥିଲେ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ