ପୂର୍ବ ଶତ୍ରୁତାକୁ କେନ୍ଦ୍ରକରି ସଂଘଵଦ୍ଧ ଆକ୍ରମଣ
ଭଞ୍ଜନଗର: ପୂର୍ବ ଶତ୍ରୁତାକୁ ନେଇ ଗଡିଲା ମୁଣ୍ଡ । ସଂଘବଦ୍ଧ ଆକ୍ରମଣରେ ଚାଲିଗଲା ଯୁବକଙ୍କ ଜୀବନ । ଏଭଳି ଅଭାବନୀୟ ଘଟଣା ସାମ୍ନାକୁ ଆସିଛି ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଅନ୍ତର୍ଗତ କାଳିଆଗୁଡା ଗ୍ରାମରୁ । ମୃତକ ଜଣକ ହେଲେ କାଳିଆଗୁଡା ଗ୍ରାମର ଅମର ରାଉତ ।
ସୂଚନାଅନୁସାରେ, ଗତ ରାତିରେ ଦୁଇ ସାଙ୍ଗ ଘରେ ବସି ଥିବା ବେଳେ ବଡ଼ ବରୋସିଙ୍ଗି ଗ୍ରାମର କିଛି ଯୁବକ ଘରୁ ଡାକି ନେଇଥିଲେ । ପୂର୍ବରୁ ଥିବା ଶତ୍ରୁତା କେନ୍ଦ୍ର କରି ବଚସା ହୋଇଥିଲା । କିଛି ସମୟ ପରେ ଏହି ବଚସା ଉଗ୍ରରୂପ ଧାରଣ କରିଥିଲା । ଏହାପରେ 10 ରୁ 15 ଜଣ ଯୁବକ ଆସି ରାସ୍ତା ଉପରେ ଠେଙ୍ଗାରେ ସଂଘବଦ୍ଧ ଆକ୍ରମଣ କରି ଫେରାର ହୋଇଯାଇଥିଲେ । ଗୁରୁତର ଅବସ୍ଥାରେ ପଡିଥିବା ଖବର ପାଇ ପରିବାର ଲୋକେ ଦୁଇ ଗୁରୁତରଙ୍କୁ ଉଦ୍ଧାର କରି ଭଞ୍ଜନଗର ମେଡିକାଲରେ ଭର୍ତ୍ତି କରିଥିଲେ ।