ହାତୀ ଆକ୍ରମଣରେ କାରଖାନା ଜଗୁଆଳୀଙ୍କ ମୃତ୍ୟୁ

ଢେଙ୍କାନାଳ ଜିଲ୍ଲା ଝାଡ଼ବନ୍ଧସ୍ଥିତ ନିର୍ମାଣଧୀନ ରୁଙ୍ଗଟା କାରଖାନା ଜଗୁଆଳୀଙ୍କ ହାତୀ ଆକ୍ରମଣରେ ମୃତ୍ୟୁ ଘଟିଛି ।

ଢେଙ୍କାନାଳ: ହାତୀ ଆକ୍ରମଣରେ କାରଖାନା ଜଗୁଆଳୀ ମୃତ । ଢେଙ୍କାନାଳ ଜିଲ୍ଲା ଝାଡ଼ବନ୍ଧସ୍ଥିତ ନିର୍ମାଣଧୀନ ରୁଙ୍ଗଟା କାରଖାନା ଜଗୁଆଳୀଙ୍କ ହାତୀ ଆକ୍ରମଣରେ ମୃତ୍ୟୁ ଘଟିଛି । ମୃତକ ଜଣଙ୍କ ହେଲେ ମେରାମୁଣ୍ଡଳୀ ଗ୍ରାମର ରସାନନ୍ଦ ନାୟକ ।

ରସାନନ୍ଦ ଝାଡ଼ବନ୍ଧ ଠାରେ ନିର୍ମାଣଧୀନ ରୁଙ୍ଗଟା କାରଖାନାର ରାତ୍ର ଜଗୁଆଳୀ ଭାବେ କାମ କରନ୍ତି। ଗତ ଶୁକ୍ରବାର ବିଳମ୍ବିତ ରାତିରେ କାରଖାନା ଫାଟକ ସମ୍ମୁଖରେ ସେ ବୁଲୁଥିବା ବେଳେ ତାଙ୍କୁ ଏକ ହାତୀ ଆକ୍ରମଣ କରିଥିଲା ।

ହାତୀଟି ତାଙ୍କୁ ଶୁଣ୍ଢରେ ଟେକି ଫୋପାଡ଼ି ଦେଇଥିଲା । ଫଳରେ ତାଙ୍କୁ ଗୁରୁତର ଅବସ୍ଥାରେ ଅନୁଗୋଳ ଡାକ୍ତରଖାନାକୁ ନିଆଯାଇଥିଲା । ମାତ୍ର ଡାକ୍ତରଖାନାରେ ତାଙ୍କର ମୃତ୍ୟୁ ଘଟିଥିବା ଜଣାପଡିଛି ।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ