ପଦ୍ମପୁର ଏନଏଏସିର ଅବହେଳା ପାଇଁ କୃତ୍ରିମ ବନ୍ୟା ସହ ସହରବାସୀଙ୍କ ମୁକାବିଲା

ପ୍ରବଳ ବର୍ଷା କାରଣରୁ ଜଳମଗ୍ନ ପଦ୍ମପୁର ସହର । ଶନିବାର ଠାରୁ ବରଗଡ ଜିଲ୍ଲାରେ ଲଗାତାର ବର୍ଷା ଜାରି ରହିଛି । ଏହି କ୍ରମରେ ପଦ୍ମପୁର ସହରରେ ସର୍ବାଧିକ ବର୍ଷା ରେକର୍ଡ କରାଯାଇଛି ।

ବରଗଡ: ପ୍ରବଳ ବର୍ଷା କାରଣରୁ ଜଳମଗ୍ନ ପଦ୍ମପୁର ସହର । ଶନିବାର ଠାରୁ ବରଗଡ ଜିଲ୍ଲାରେ ଲଗାତାର ବର୍ଷା ଜାରି ରହିଛି । ଏହି କ୍ରମରେ ପଦ୍ମପୁର ସହରରେ ସର୍ବାଧିକ ବର୍ଷା ରେକର୍ଡ କରାଯାଇଛି ।

ତେବେ ଚଳିତ ବର୍ଷ ଋତୁ ପୂର୍ବରୁ ପଦ୍ମପୁର ଏନଏଏସି କର୍ତ୍ତୃପକ୍ଷ ସହରରେ ରହିଥିବା ନାଳ ନର୍ଦ୍ଦମା ଗୁଡିକୁ ପୂର୍ବ ପ୍ରସ୍ତୁତି ଅନୁଯାୟୀ ସଫା କରିନଥିବାରୁ ସହରରେ ପ୍ରଥମ ବର୍ଷାରୁ ହିଁ କୃତ୍ରିମ ବନ୍ୟା ଦେଖାଦେଇଛି । ରାସ୍ତା ଉପରେ ଆଣ୍ଠୁଏ ଲେଖାଏଁ ପାଣି ପ୍ରଭାହିତ ହେଉଥିବାବେଳେ ଦୋକାନ ମାନଙ୍କ ଭିତରେ ପାଣି ଭର୍ତ୍ତି ହୋଇରହିଛି । ଶେଷରେ ଅଗ୍ନିଶମ ବିଭାଗକୁ ପାଣି ନିଷ୍କାସନ କରିବାକୁ ପଡିଥିଲା । ହେଲେ ବିଭାଗକୁ ଏହି ପାଣି ନିଷ୍କାଶନ ପାଇଁ ନାକେଦମ ହେବାକୁ ପଡିଥିଲା ।

ବରଗଡରୁ ରାଜେଶ ସରାପ, ଇଟିଭି ଭାରତ