ବରଗଡ: ଜିଲ୍ଲାର ପଦ୍ମପୁର ଉପଖଣ୍ଡ ପାଇକମାଳ ଥାନା ଅଞ୍ଚଳରେ ପୁଣି ଜଣେ ଯୁବତୀଙ୍କ ମୃତଦେହ ମିଳିଛି । ମୃତ ଶରୀରରୁ ମୁଣ୍ଡଟି କଟି ଅଲଗା ହୋଇପଡିଥିବା ବେଳେ ଏହା ଏକ ହତ୍ୟାକାଣ୍ଡ ବୋଲି ଅଭିଯୋଗ ହୋଇଛି । ତେବେ ପାଇକମାଳ ଅଞ୍ଚଳରେ ଗତ 10 ଦିନ ମଧ୍ୟରେ ଏହା ଦ୍ବିତୀୟ ହତ୍ୟାକାଣ୍ଡ । ଗୋଟିଏ ହତ୍ୟାକାଣ୍ଡ ଘଟଣାରେ ପୋଲିସ ହତ୍ୟାକାରୀକୁ ଗିରଫ କରିବାରେ ସଫଳ ହୋଇଥିବା ବେଳେ ଏବେ ଆଉ ଗୋଟେ ମୃତଦେହ ମିଳିବା ପୋଲିସ ପାଇଁ ଚ୍ୟାଲେଞ୍ଜ ପାଲଟିଛି ।
ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଳ ଥାନା ଛେଳିଆମାଳ ଜଙ୍ଗଲରୁ କିଛି ଦିନ ପୂର୍ବରୁ ଜଣେ ମହିଳାଙ୍କ ମୃତଦେହ ମିଳିଥିଲା । ପୁଣି ଶନିବାର ଜଣେ ଯୁବତୀଙ୍କ ଖଣ୍ଡ ବିଖଣ୍ଡିତ ଶବ ମିଳିଛି । ଖବର ପାଇବା ପରେ ପାଇକମାଳ ଥାନା ଅଧିକାରୀ ଘଟଣାସ୍ଥଳରେ ପହଁଞ୍ଚିଥି ଏହି ଘଟଣାର ଯାଞ୍ଚ କରିଥିଲେ । ଯାଞ୍ଚରୁ ଜଣାପଡିଛିଯେ, ମୃତ ମହିଳା ଜଣକ ସେହି ଛେଳିଆପାଳି ଗ୍ରାମର 20 ବର୍ଷର ତପସ୍ୱିନୀ ନାୟକ ।