ଭୁବନେଶ୍ବର: ପାରାଅଲମ୍ପିକ୍ସ ବିଜେତା ପ୍ରମୋଦଙ୍କୁ ସଫଳତା ପରେ ସଫଳତା । ଦୁବାଇରେ ଚାଲିଥିବା ଚତୁର୍ଥ ଅନ୍ତର୍ଜାତୀୟ ପାରା ବ୍ୟାଡମିଣ୍ଟନରେ ଚମ୍ପିଆନ ହୋଇଛନ୍ତି ପ୍ରମୋଦ । ସ୍ବର୍ଣ୍ଣ ଜିତି ଗୌରବ ଆଣିଛନ୍ତି ଓଡିଶାର ଏହି ଷ୍ଟାର ଖେଳାଳି । ପୁରୁଷ ସିଙ୍ଗଲ୍ସ ଏସଏଲ-3 ବର୍ଗରେ ସ୍ବର୍ଣ୍ଣ ପଦକ ଜତିଛନ୍ତି ପ୍ରମୋଦ ।
ଫାଇନାଲ ମୁକାବିଲାରେ ସେ ନିତେଶ କୁମାରଙ୍କୁ ପରାସ୍ତ କରିଥିଲେ । 19-21, 21-17, 21-17 ସେଟରେ ନିତୀଶଙ୍କୁ ପରାସ୍ତ କରି ଏହି ସଫଳତା ହାସଲ କରିଛନ୍ତି ପ୍ରମୋଦ । ମ୍ୟାଚ ଏକଘଣ୍ଟାରୁ ଅଧିକ ସମୟ ଧରି ଚାଲିଥିଲା । ପ୍ରଥମରୁ ପ୍ରଭାବୀ ପ୍ରଦର୍ଶନ କରି ମ୍ୟାଚ ନିଜ କବଜାକୁ ନେଇଥିଲେ ନିତେଶ । ହେଲେ ପ୍ରମୋଦ ଦମଦାର କମବ୍ୟାକ କରିଥିଲେ । ପରବର୍ତ୍ତୀ ଦୁଇଟି ଗେମକୁ ନିଜ କବଜାକୁ ନେଇଥିଲେ ପ୍ରମୋଦ ।