ବେଲ୍ଗ୍ରେଡ୍:ବିଶ୍ବ କୁସ୍ତି ଚମ୍ପିଆନସିପ ୨୦୨୧ରେ ଭାରତର ଐତିହାସିକ ପ୍ରଦର୍ଶନ । ବେଲଗ୍ରେଡ୍ରେ ଅନୁଷ୍ଠିତ ୨୩ ବର୍ଷରୁ କମ୍ ବିଶ୍ବ କୁସ୍ତି ଚମ୍ପିଆନସିପ୍ ୨୦୨୧ରେ ୫ଟି ପଦକ ସହ ଅଭିଯାନ ଶେଷ କରିଛି ଭାରତ । ବର୍ଷ ୨୦୧୭ରୁ ଏହି ସମ୍ମାନଜନକ ପ୍ରତିଯୋଗିତା ଆୟୋଜିତ ହୋଇଆସୁଛି । ଉଦ୍ଘାଟନୀ ସଂସ୍କରଣ ଠାରୁ ଏବେ ପର୍ଯ୍ୟନ୍ତ ଚଳିତ ସଂସ୍କରଣରେ ଭାରତର ସବୁଠୁ ସଫଳତମ ପ୍ରଦର୍ଶନ ରହିଛି ।
ଭାରତ ପକ୍ଷରୁ ଶିବାନୀ ପାୱର ୫୦ କିଲୋଗ୍ରାମ ବର୍ଗରେ ରୋପ୍ୟ, ଅଞ୍ଜୁ, ଦିବ୍ୟ କକରନ, ରାଧିକା ଓ ନିଶା ଦହିୟା ଯଥାକ୍ରମେ ୫୫ କିଲୋଗ୍ରାମ, ୬୨ କିଲୋଗ୍ରାମ, ୬୫ କିଲୋଗ୍ରାମ ଓ ୭୨ କିଲୋଗ୍ରାମ ବର୍ଗରେ ବ୍ରୋଞ୍ଜ ପଦକ ବିଜେତା ହୋଇଛନ୍ତି ।