ରାଞ୍ଚି: ଦକ୍ଷିଣ ଆଫ୍ରିକା ବିପକ୍ଷ ଘରୋଇ ଟେଷ୍ଟ ଶୃଙ୍ଖଳାର ତୃତୀୟ ତଥା ଅନ୍ତିମ ଟେଷ୍ଟ ଆଜିଠାରୁ ଧୋନିଙ୍କ ହୋମଗ୍ରାଉଣ୍ଡ ରାଞ୍ଚିଠାରେ ଆରମ୍ଭ ହେବାକୁ ଯାଉଛି । ତେବେ ପୂର୍ବରୁ ଘରୋଇ ଦଳ ସିରିଜ୍ ଜିତିସାରିଥିବା ବେଳେ ଏହା କେବଳ ଅନୌପଚାରିକ ମ୍ୟାଚ।
ମାତ୍ର ଏହି ଟେଷ୍ଟ ଜିତି ମହତ୍ତ୍ୱପୂର୍ଣ୍ଣ ପଏଣ୍ଟ ହାସଲ କରିବାକୁ ଚାହିଁବ ବିରାଟ ସେନା । ଏହି ପଏଣ୍ଟ ସହ ସିରିଜକୁ ୩-୦ରେ କ୍ଲିନସୁଇପ୍ କରିବା ଲକ୍ଷ୍ୟରେ ମଧ୍ୟ ରହିଛି ଘରୋଇ ଦଳ।
ଅନ୍ୟପଟେ ଗତକାଲି ରାଞ୍ଚି ଗ୍ରାଉଣ୍ଡରେ ଜୋରଦାର ଅଭ୍ୟାସ କରିଛି ଭାରତୀୟ ଟିମ। ଅଭ୍ୟାସ ସେସନର କିଛି ଫଟୋ ଟ୍ବିଟ କରି କୋହଲି ଲେଖିଛନ୍ତି, "ସକରାତ୍ମକ ମନୋବଳ ଅଭ୍ୟାସ ସେସନର । ମ୍ୟାଚ ପାଇଁ ଅଲ ସେଟ୍"