ଲଣ୍ଡନ: ଆସେସ ଟେଷ୍ଟ ସିରିଜ ପାଇଁ ୧୭ ଜଣିଆ ଶକ୍ତିଶାଳୀ ସ୍କ୍ବାଡ ଘୋଷଣା କରିଛି ଇଂଲଣ୍ଡ । ମୁଖ୍ୟ କୋଚ୍ କ୍ରିସ ସିଲଭରଉଡ୍ ରବିବାର ଖେଳାଳି ତାଲିକା ଘୋଷଣା କରିଛନ୍ତି । ନଭେମ୍ବରରୁ ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରେ ଏହି ସମ୍ମାନଜନକ ଟେଷ୍ଟ ସିରିଜ ଖେଳାଯିବ । ଜୋଏ ରୁଟ୍ଙ୍କ ନେତୃତ୍ବରେ ଅଷ୍ଟ୍ରେଲିଆ ଗସ୍ତ କରିବ ଇଂଲଣ୍ଡ ।
କୋଚ୍ ସିଲଭରଉଡ୍ ଚୟନ କରିଥିବା ସ୍କ୍ବାଡ ଶକ୍ତିଶାଳୀ ରହିଛି । ସମସ୍ତ ଖେଳାଳି ଇଂଲଣ୍ଡ ପାଇଁ ଟେଷ୍ଟ ମ୍ୟାଚ୍ ଖେଳିସାରିଥିବା କହିଛି ଇଂଲଣ୍ଡ ଓ ୱେଲ୍ସ କ୍ରିକେଟ ବୋର୍ଡ(ECB) । ସ୍କ୍ବାଡରେ ଥିବା ୧୭ସଦସ୍ୟଙ୍କ ମଧ୍ୟରୁ ଭାଇସ-କ୍ୟାପଟେନ ଜସ୍ ବଟଲର୍ଙ୍କ ସମେତ ୧୦ଜଣ ପ୍ରଥମ ଥର ଆସେସ ସିରିଜ ପାଇଁ ଅଷ୍ଟ୍ରେଲିଆ ଗସ୍ତ କରିବେ । ଘୋଷିତ ସ୍କ୍ବାଡରେ ସମସ୍ତ ପ୍ରକାର କ୍ରିକେଟରୁ ବ୍ରେକ୍ ନେଇଥିବା ବେନ ଷ୍ଟୋକ୍ସଙ୍କ ନାମ ସାମିଲ କରାଯାଇନାହିଁ । ଅଲରାଉଣ୍ଡର ସାମ କରନ ମଧ୍ୟ ଆହତ ଥିବାରୁ ବାଦ ପଡିଛନ୍ତି । ଏକ ବିବୃତିରେ ECB ପକ୍ଷରୁ ଏହା ସ୍ପଷ୍ଟ କରିଛି ।