କାବୁଲ:ଆଫଗାନିସ୍ତାନକୁ ବାଏ ବାଏ କହିସାରିଛି ଆମେରିକା । ଦୀର୍ଘ ୨୦ ବର୍ଷ ପରେ ଅପରେସନ ଆଫଗାନିସ୍ତାନ ଶେଷ କରି ସ୍ବଦେଶ ଫେରିଛି ଆମେରିକା ସେନା । ଆଉ ଆମେରିକାର ପ୍ରତ୍ୟାବର୍ତ୍ତନ ପରେ ନିଜ ଅସଲ ରୂପ ଦେଖାଇଛି ତାଲିବାନ ।
ଫାଙ୍କା ଗୁଳିଚାଳନା ସହିତ ଆମେରିକାର ପରାଜୟ ଓ ସୈନିକଙ୍କ ପ୍ରତ୍ୟାବର୍ତ୍ତନ ଉପରେ ଉଲ୍ଲସିତ ହୋଇଉଠିଛନ୍ତି ତାଲିବାନୀ । ଆଉ ଖୁସି ମନାଇବା ଆଳରେ ଟପୁଛନ୍ତି ମାନବିକତାର ସମସ୍ତ ସୀମା । ତାଲିବାନର ଉତ୍ସବ ମଧ୍ୟରେ ଆଫଗାନିସ୍ତାନରୁ ସାମ୍ନାକୁ ଆସିଛି ଏକ ଛାତିଥରା ଭିଡିଓ । ଯେଉଁଥିରେ ତାଲିବାନୀ ଆତଙ୍କୀ ଆମେରିକାର ବ୍ଲାକ ହକ ହେଲିକପ୍ଟର ଉଡାଉଥିବା ଦେଖିବାକୁ ମିଳିଛି । ଆଉ ଏହି ହେଲିକପ୍ଟରରୁ ଝୁଲୁଛି ଏକ ମୃତଦେହ ।