ହାଇଦ୍ରାବାଦ: ବଲିଉଡ ଅଭିନେତ୍ରୀ ତଥା ମଡେଲ ଉର୍ବଶୀ ରୌତେଲା କ୍ରିକେଟ୍ ବା କ୍ରିକେଟରଙ୍କୁ ନେଇ ବାରମ୍ବାର ଟ୍ରୋଲ ହୋଇଥାଆନ୍ତି । ସାଧାରଣତଃ ଯେତେବେଳେ ଋଷଭ ପନ୍ତ ଭାରତୀୟ ଦଳ କିମ୍ବା ଆଇପିଏଲ ଦଳ ପାଇଁ ଖେଳିଥାନ୍ତି । ସେହି ସମୟରେ ଅଭିନେତ୍ରୀ ଉର୍ବଶୀ ରୌତେଲାଙ୍କୁ ଟ୍ରୋଲ କରାଯାଇଥାଏ । ଏହାରି ମଧ୍ୟରେ ବର୍ତ୍ତମାନ IPL ମ୍ୟାଚରେ ଅଭିନେତ୍ରୀଙ୍କୁ ନେଇ ଲେଖାଥିବା ଏକ ପ୍ଲାକାର୍ଡକୁ ନେଇ ଚର୍ଚ୍ଚାରେ ରହିଛନ୍ତି । ଷ୍ଟାଡିୟମରେ ଜଣେ ଦର୍ଶକ ଏହି ପ୍ଲାକାର୍ଡ ଦେଖାଇଥିଲେ । ଯେଉଁଥିରେ ଲେଖା ଥିଲା, "ଧନ୍ୟବାଦ ଭଗବାନ ଉର୍ବଶୀ ଏଠାରେ ନାହାଁନ୍ତି" । ଏବେ ଏହି ଫଟୋ ସେୟାର କରି ଏଭଳି ପ୍ଲାକାର୍ଡ ଦେଖାଇବାର କାରଣ ପଚାରିଛନ୍ତି ଉର୍ବଶୀ ।
ନିକଟରେ ଦିଲ୍ଲୀ ଓ ଗୁଜୁରାଟ ଟାଇଟନ୍ସ ମଧ୍ୟରେ ଲିଗ୍ ମ୍ୟାଚ୍ ଖେଳା ଯାଇଥିଲା । ଏହି ମ୍ୟାଚ୍କୁ ଷ୍ଟାଡିୟମରେ ପହଞ୍ଚିଥିଲେ ଭାରତୀୟ କ୍ରିକେଟର ଋଷଭ ପନ୍ତ । ଦୁର୍ଘଟଣାର ଶିକାର ହେବା ପରେ ଦୀର୍ଘ ଦିନ ହେଲା କ୍ରିକେଟଠାରୁ ଦୁରେଇ ରହିଛନ୍ତି ଋଷଭ ପନ୍ତ । ଦିଲ୍ଲୀ କ୍ୟାପିଟାଲ୍ସକୁ ସମର୍ଥନ ମ୍ୟାଚରେ ସେ ଉପସ୍ଥିତ ଥିଲେ । ଏହି ସମୟରେ ତାଙ୍କର ଜଣେ ଫ୍ୟାନ ଜଣେ ଫ୍ୟାନ ପ୍ଲାକାର୍ଡ ଦେଖାଇଥିଲେ । ଏଥିରେ ଲେଖା ଥିଲା "ଭଗବାନଙ୍କୁ ଧନ୍ୟବାଦ ଉର୍ବଶୀ ଏଠାରେ ନାହାଁନ୍ତି ।" ସେ ମହିଳାଙ୍କ ପ୍ଲାକାର୍ଡର ଫଟୋ ଉର୍ବଶୀ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ଏବଂ କ୍ୟାପସନରେ ଲେଖିଛନ୍ତି "କାହିଁକି?" । ଅତୀତରେ ଉର୍ବଶୀ ଏବଂ ଋଷଭଙ୍କୁ ସମ୍ପର୍କ ନେଇ ଚର୍ଚ୍ଚା ଜୋର ଧରିଥିଲା । ଏନେଇ ମହିଳା ଜଣକ ଏଭଳି ପ୍ଲାକାର୍ଡ ଧରିଥିବା କୁହାଯାଉଛି।