ମୁମ୍ବାଇ: ବଲିଉଡ ସୁପରଷ୍ଟାର ଅମିତାଭ ବଚ୍ଚନଙ୍କ ସବୁଠାରୁ ଲୋକପ୍ରିୟ ସୋ' 'କୌନ ବନେଗା କରୋଡପତି'ର 15ତମ ସିଜିନ ଆରମ୍ଭ ହେବାକୁ ଯାଉଛି । ପ୍ରଶଂସକମାନେ ଏହି ସୋ’ ପାଇଁ ଉତ୍ସାହର ସହିତ ଅପେକ୍ଷା କରିଥିଲେ । ବର୍ତ୍ତମାନ ନିର୍ମାତାମାନେ ପ୍ରଶଂସକଙ୍କ ଏହି ଅପେକ୍ଷାର ଅନ୍ତ ଘଟାଇଛନ୍ତି ଏବଂ ନୂଆ ସିଜନର ଏକ ନୂଆ ପ୍ରୋମୋ ଲଞ୍ଚ୍ କରିଛନ୍ତି । ଏହା ସହିତ ସୋ’ର ତାରିଖ ଘୋଷଣା କରାଯାଇଛି । ତେବେ ଗତ ୨୩ ବର୍ଷ ଧରି ଏହି ରିୟଲିଟି ସୋ’ ମାଧ୍ୟମରେ ବିଗ୍ ବି' ଦର୍ଶକଙ୍କୁ ମନୋରଞ୍ଜନ କରିଆସୁଛନ୍ତି ।
କେବିସିର 15 ତମ ସିଜନ ଏହି ଦିନଠାରୁ ହେବ ଆରମ୍ଭ
ପ୍ରୋମୋ ଭିଡିଓ ସେୟାର କରିବାବେଳେ ସୋନି ଚ୍ୟାନେଲ ଲେଖିଛି, 'ଶାନଦାର, ଧନଦାର ଏବଂ ଜ୍ଞାନଦାର ହେବ ଏଥରର ସିଜନ ।' ଏହା ସହିତ ନିର୍ମାତାମାନେ ମଧ୍ୟ ସୋ’ର ଲଞ୍ଚ୍ ତାରିଖ ଘୋଷଣା କରିଛନ୍ତି ଏବଂ କହିଛନ୍ତି ଯେ ଏହି ସୋ' 14 ଅଗଷ୍ଟ ସୋମବାରଠାରୁ ରାତି 9ଟା ପର୍ଯ୍ୟନ୍ତ ପ୍ରସାରଣ ହେବ । ପ୍ରମୋରେ ଅମିତାଭ ବଚ୍ଚନ ଏକ ଜବରଦସ୍ତ ଅନ୍ଦାଜରେ ନଜର ଆସିଛନ୍ତି । ଅଭିନେତା ମଧ୍ୟ ଉଚ୍ଚ ସ୍ୱରରେ ଲୋକମାନଙ୍କୁ ସ୍ୱାଗତ କରୁଥିବା ଦେଖାଯାଉଛି । ଏହି ସିଜନ ଅନେକ ଉପାୟରେ କିଛି ଖାସ୍ ହେବାକୁ ଯାଉଛି । ଯେଉଁଠାରେ ସବୁକିଛି ଏକ ନୂଆ ରୂପରେ ଦେଖାଯିବ ।