ଭୁବନେଶ୍ବର: ରାଜ୍ୟରେ ଧିମେଇଛି କୋଭିଡ ଟୀକାକରଣ । ଦୈନିକ 4 ଲକ୍ଷ ଟୀକାକରଣ ବଦଳରେ ବର୍ତ୍ତମାନ 1 ଲକ୍ଷ ବି ଛୁଇଁ ପାରୁନି ଦୈନିକ ଟୀକାକରଣ। ଟିକାକରଣ ପାଇଁ ଲୋକମାନେ ଆସୁନଥିବା ବେଳେ ସଂକ୍ରମଣ କମିଯାଇଥିବା କାରଣରୁ ଟୀକା ନେବାକୁ ଆସୁନଥିବା ଦେଖାଯାଇଛି। ରାଜ୍ୟରେ ବର୍ତ୍ତମାନ ସଂକ୍ରମଣ ନିମ୍ନଗାମୀ। ରାଜ୍ୟରେ ବର୍ତ୍ତମାନ ସୁଦ୍ଧା 6 କୋଟି 16 ଲକ୍ଷ 28ହଜାର 509ଡୋଜ ଟୀକା ନେଇଥିବାବେଳେ ପ୍ରଥମ ଡୋଜ ନେଇଛନ୍ତି 3 କୋଟି 28 ଲକ୍ଷ 62 ହଜାର 441 ଓ ଦ୍ବିତୀୟ ଡୋଜ 2 କୋଟି 79 ଲକ୍ଷ 40ହଜାର 322ଜଣ ନେଇଛନ୍ତି ।
ସେହିପରି ପ୍ରିକସନ ଡୋଜ ନେଇଛନ୍ତି 8ଲକ୍ଷ 25 ହଜାର 746 ଜଣ। ଆଜି(ମଙ୍ଗଳବାର) ରାଜ୍ୟରେ 1839ଟି ଟିକାକାରଣ କେନ୍ଦ୍ରରେ ଟୀକାକରଣ କରାଯାଉଛି। ରାଜ୍ୟରେ 7 ଦିନ ମଧ୍ୟରେ ଦିଆଯାଇଥିବା ଟୀକାକରଣର ତଥ୍ୟ- ମାର୍ଚ୍ଚ 1 ତାରିଖରେ ରାଜ୍ୟରେ ଟୀକାକରଣ କରାଯାଇଥିଲା ଉଭୟ ସହର ଏବଂ ଗ୍ରାମାଞ୍ଚଳରେ 40 ହଜାର 97, ମାର୍ଚ୍ଚ 2 ତାରିଖରେ 81 ହଜାର 220, ମାର୍ଚ୍ଚ 3 ତାରିଖରେ 93 ହଜାର 517, ମାର୍ଚ୍ଚ 4 ତାରଖରେ 82 ହଜାର 626, ମାର୍ଚ୍ଚ 5 ତାରିଖରେ 82 ହଜାର 171, ମାର୍ଚ୍ଚ 6 ତାରିଖରେ 44 ହଜାର 361 ଓ ମାର୍ଚ୍ଚ 7 ତାରିଖରେ 73 ହଜାର 704 ଡୋଜ ନେଇଛନ୍ତି ।