ନୂଆଦିଲ୍ଲୀ: ଆମେରିକାର ଏକ ଆଇନ ସଂସ୍ଥାର ସନ୍ଦେହ ସ୍କାନରରେ ଏଚଡିଏଫସି ବ୍ୟାଙ୍କ । ଭାରତର ସବୁଠୁ ବଡ ଘରୋଇ କ୍ଷେତ୍ରର ଋଣଦାତା ଏଚଡିଏଫସି ବ୍ୟାଙ୍କ ଲିମିଟେଡ ସୋମବାର ନିଜ ନିବେଶକଙ୍କୁ ବିଭ୍ରାନ୍ତିକର ବ୍ୟବସାୟ ଜାରି କରିଥିବା ନେଇ ଅଭିଯୋଗରେ ପରେ ଏଭଲି ସ୍ଥିତି ଉପୁଜିଛି ।
ବୈଶ୍ବିକ ନିବେଶକ ଅଧିକାର ପାଇଁ କାର୍ଯ୍ୟ କରୁଥିବା ରୋଜେନ ଆଇନ ସଂସ୍ଥା (Rosen Law Firm) ରବିବାର ଏକ ପ୍ରେସ ବିଜ୍ଞପ୍ତିରେ ଘୋଷଣା କରିଛି ଯେ, ସେ ଏଚଡିଏଫସି ବ୍ୟାଙ୍କ ସେୟାରଧାରୀଙ୍କ ତରଫରୁ ସମ୍ଭାବ୍ୟ ସିକ୍ୟୁରିଟି ଦାବି ଯାଞ୍ଚ ଆରମ୍ଭ ହୋଇଛି। ସମ୍ଭାବ୍ୟ ମକଦ୍ଦମା ଅନେକ ମିଡିଆ ରିପୋର୍ଟ ଉପରେ ଆଧାରିତ । ଯେଉଁଥିରେ ଗୋଟିଏ ଏଚଡିଏଫ ସିବ୍ୟାଙ୍କର ଗାଡି ଋଣ ଦେଉଥିବା ୟୁନିଟରେ ଅନୁଚିତ ଅଭ୍ୟାସକୁ ପ୍ରକାଶ କରିଛି ।
କଥିତ ଭାବେ ଏଚଡିଏଫସି ବ୍ୟାଙ୍କ ଦ୍ବାରା ହୋଇଥିବା ଏକ ଆଭ୍ୟନ୍ତରୀଣ ଅଡିଟରେ ଜଣାପଡିଛି କି, ଋଣଦାତାଙ୍କ କାର ଋଣ ଗ୍ରାହକଙ୍କୁ ତାଙ୍କ ଜ୍ଞାତରେ ଅଟୋ ଋଣ ସହିତ ଜିପିଏସ୍ ଡିଭାଇସ୍ ଦିଆଯାଇଛି। ଏହା ଆଚରଣ ସଂହିତା ଏବଂ ଶାସନ ନିୟମର ଉଲ୍ଲଂଘନ ଥିଲା । ଯାହା ବ୍ୟାଙ୍କ କର୍ମଚାରୀମାନଙ୍କୁ ଅଣ-ଆର୍ଥିକ ବ୍ୟବସାୟରେ ଯୋଗଦେବାକୁ ବାରଣ କରିଥାଏ।