ହାଇଦ୍ରାବାଦ: ଜଣେ ଭେଟେରାନ ନେତା ତଥା ରାଜନେତା ବ୍ୟତୀତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ଫିଟନେସ ପାଇଁ ମଧ୍ୟ ବେସ ଜଣାଶୁଣା ।ପ୍ରଧାନମନ୍ତ୍ରୀ ନରେନ୍ଦ୍ର ମୋଦି 72 ବର୍ଷ ବୟସ ଅତିକ୍ରମ କରିସାରିଥିଲେ ହେଁ ସେ ଜଣେ ଯୁବକଙ୍କଠାରୁ ଅଧିକ ଉତ୍ସାହବାନ ଓ ସକ୍ରିୟ ରହିଛନ୍ତି । ତେବେ ମୋଦି ସଦାସର୍ବଦା ସ୍ବାସ୍ଥ୍ୟକୁ ଅଧିକ ଗୁରୁତ୍ବ ଦେଇଥାଆନ୍ତି । ସେ ନିଜକୁ ଫିଟ୍ ରଖିବା ପାଇଁ ଏକ ସୁସ୍ଥ ଜୀବନଶୈଳୀ ଆପଣାଇଥାଆନ୍ତି । ପ୍ରଧାନମନ୍ତ୍ରୀ ମୋଦିଙ୍କ ଫିଟନେସ୍ କେବଳ ଯୁବକମାନଙ୍କ ପାଇଁ ନୁହେଁ ବରଂ ସମସ୍ତଙ୍କ ପାଇଁ ଏକ ଆଦର୍ଶ ବୋଲି ବିବେଚନା କରାଯାଏ । ଆପଣ ଜାଣନ୍ତି କି ସୁସ୍ଥ ରହିବାକୁ ମୋଦି ତାଙ୍କ ଜୀବନଶୈଳୀରେ କେଉଁ ଅଭ୍ୟାସ ଆପଣାଇଥାଆନ୍ତି ? ସୁସ୍ଥ ଏବଂ ଫିଟ୍ ରହିବା ପାଇଁ ସେ କଣ କରନ୍ତି ଜାଣନ୍ତୁ...
ଯୋଗ:ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୋଗକୁ ସୁସ୍ଥ ରହିବାର ଚାବି ବୋଲି ବିବେଚନା କରନ୍ତି । ଯୋଗ ଶରୀର ପାଇଁ କେତେ ଲାଭଦାୟକ ସେନେଇ ମୋଦି ଟ୍ବିଟର ତଥା ଅନ୍ୟାନ୍ୟ ପ୍ଲାଟଫର୍ମରେ ଅନେକ ଥର ଉଲ୍ଲେଖ କରିଛନ୍ତି ତଥା ପ୍ରତିକ୍ରିୟା ଦେଇଛନ୍ତି । 2020 ମସିହାରେ ଯେତେବେଳେ ମହାମାରୀ ଆରମ୍ଭ ହୋଇଥିଲା, ସେତେବେଳେ ପ୍ରଧାନମନ୍ତ୍ରୀ ଦେଶବାସୀଙ୍କୁ ଯୋଗର ମହତ୍ତ୍ବ ବୁଝାଇଥିଲେ । ପ୍ରଧାନମନ୍ତ୍ରୀ କହିଛନ୍ତି ଯେ ଯୋଗ ତାଙ୍କ ଜୀବନର ଏକ ଅଂଶ ହୋଇରହିଛି ଏବଂ ସେ ଏହାଦ୍ବାରା ଅନେକ ଉପକୃତ ହୋଇଛନ୍ତି ।
ଆୟୁର୍ବେଦରେ ବିଶ୍ବାସ କରନ୍ତି ମୋଦି:ପ୍ରଧାନମନ୍ତ୍ରୀ ମୋଦିଙ୍କ କହିବା ଅନୁସାରେ, ଯୋଗ ସହିତ ଆୟୁର୍ବେଦ ଉପରେ ଆମର ବିଶ୍ୱାସ ରହିବା ଉଚିତ୍। ସେ କହିଛନ୍ତି ଯେ ବିଶ୍ୱ ଖୁବଶୀଘ୍ର ଆୟୁର୍ବେଦର ନୀତି ଗ୍ରହଣ କରିବ। ଏହାର ମହତ୍ତ୍ବ ବୁଝିବା ପାଇଁ ସେ ଯୁବକମାନଙ୍କୁ ଆଗକୁ ଆସିବାକୁ ଅନୁରୋଧ କରିଛନ୍ତି।