ଶ୍ରୀନଗର:କାଶ୍ମୀରରେ ଆତଙ୍କୀ ନିରୋଧୀ ଅପରେସନରେ ସେନାକୁ ବଡ ସଫଳତା ମିଳିଛି । ପାକିସ୍ତାନରୁ ଅପରେଟ ହେଉଥିବା ଆତଙ୍କୀ ସଙ୍ଗଠନ ଜୈଶ-ଏ-ମହମ୍ମଦ (J-EM)ର ମଡ୍ୟୁଲକୁ ଠାବ କରି ନିଷ୍କ୍ରିୟ କରିଛି ସୁରକ୍ଷା ବାହିନୀ (JeM module busted)। ଏହା ସହ ତିନିଜଣ ଆତଙ୍କବାଦୀଙ୍କୁ ମଧ୍ୟ ଗିରଫ କରିଛି ସୁରକ୍ଷାବଳ ।
ଏମାନଙ୍କ ଠାରୁ 3ଟି ଅତ୍ୟାଧୁନିକ AK-56 ରାଇଫଲ, ଗୋଟିଏ ପିସ୍ତଲ, 9 ମାଗାଜିନ, 6ଟି ଗ୍ରେନେଡ ଏବଂ 191 ରାଉଣ୍ଡ ଗୁଳି ଜବତ କରାଯାଇଛି । ଗିରଫ ଆତଙ୍କୀମାନେ ଏକ ବଡ ଧରଣର ଆକ୍ରମଣ ଘଟାଇବା ପାଇଁ ଷଡଯନ୍ତ୍ର କରୁଥିବା ବେଳେ ସେମାନଙ୍କୁ ଧରିବାରେ ସୁରକ୍ଷାବଳ ସକ୍ଷମ ହୋଇଛି । ଗିରଫ ଆତଙ୍କୀଙ୍କୁ ଜେରା ଜାରି ରହିଛି । ଅଧିକ ତଥ୍ୟ ହାସଲ କରିବାକୁ ସେନା ପ୍ରୟାସ ଜାରି ରଖିଛି ।