ମୁମ୍ବାଇ: କୁକୁର ମଟନ ଖାଇଦେବାରୁ ନିଜ ଝିଅକୁ ଗୁଳି କରି ହତ୍ୟା କଲା ପିଶାଚ ବାପା । ଏଭଳି ଅଭାବନୀୟ ଘଟଣା ଘଟିଛି ମହାରାଷ୍ଟ୍ର ଓସମାନାବାଦ ଜିଲ୍ଲାର ତୁଲଜାପୁର ତାଲୁକ ଅନ୍ତର୍ଗତ କର୍ଲା ଗ୍ରାମରେ । ଅଭିଯୁକ୍ତ ବାପା ସେହି ଗ୍ରାମର ଗଣେଶ ଭୋସଲେ ଫେରାର ଥିବା ବେଳେ ମାଆ ମୀରାବାଇ ଭୋସଲେଙ୍କୁ ଗିରଫ କରିଛି ପୋଲିସ ।
ସୂଚନା ଅନୁସାରେ ୨୦ ବର୍ଷୀୟା ମୃତ କାଜଲ ସିନ୍ଦେ ସେହି ଗ୍ରାମରେ ନିଜ ସ୍ବାମୀଙ୍କ ପାଖରେ ରହୁଥିଲେ । ଗତ ରବିବାର ରାତ୍ରି ଭୋଜନ ପାଇଁ ସେ ମଟନ ରୋଷେଇ କରିଥିଲେ । ରୋଷେଇ କରିବା ପରେ କାଜଲ ଅନ୍ୟ କୌଣସି କାର୍ଯ୍ୟରେ ବ୍ୟସ୍ତ ରହିଥିବା ବେଳେ ଏକ କୁକୁର ସେହି ମଟନକୁ ଖାଇ ଦେଇଥିଲା । ଏନେଇ କାଜଲଙ୍କ ମାଆ ମୀରାବାଇ ଓ କାଜଲଙ୍କ ମଧ୍ୟରେ ବଚସା ଆରମ୍ଭ ହୋଇଥିଲା । ତେବେ ଏହି ସମୟରେ କାଜଲଙ୍କ ବାପା ଗଣେଶ ଏକ ବନ୍ଧୁକ ଆଣି କାଜଲଙ୍କୁ ଗୁଳି କରିଥିଲେ ।