ଲକ୍ଷ୍ନୌ:ଅଖିଳେଶଙ୍କ ଗାଡି ଆଗକୁ ପଶି ଆସିଲା ଷଣ୍ଢ । ବାଟେ ବାଟେ ଗାଡିରେ ଯାଉଥିଲେ ସପା ମୁଖ୍ୟ ଅଖିଳେଶ ଯାଦବ । ହଠାତ ଗାଡି ଆଗକୁ ପଶି ଆସିଲା ଏକ ଷଣ୍ଢ । ଆଉ ଏହାକୁ ଭିଡିଓ କରି ସୋସିଆଲ ମିଡିଆରେ ସେୟାର କରିଛନ୍ତି ସପା ମୁଖ୍ୟ । ସେ କହିଛନ୍ତି ୟୁପିରେ ଯାତାୟତ କରିବା ବହୁତ କଷ୍ଟ । ଯାତ୍ରା ସମୟରେ ଷଣ୍ଢ ତ ମିଳିବେ ଚାଲି ପାରିବ ତ ଚାଲ ବୋଲି କହିଛନ୍ତି ଅଖିଳେଶ ।
ସୂଚନାଅନୁସାରେ, ୟୁପି ବିଧାନସଭା ନିର୍ବାଚନ ଫଳାଫଳ ପରେ ବୁଧବାର ସୀତାପୁର ଗସ୍ତରେ ଯାଇଥିଲେ ସମାଜବାଦୀ ପାର୍ଟି ଜାତୀୟ ସଭାପତି ଅଖିଳେଶ ଯାଦବ । ପୂର୍ବତନ ମନ୍ତ୍ରୀ ନରେନ୍ଦ୍ର ବର୍ମାଙ୍କ ଭାଇ ସ୍ବର୍ଗତ ମହେନ୍ଦ୍ର ବର୍ମାଙ୍କୁ ଶ୍ରଦ୍ଧାଞ୍ଜଳି ଦେବାକୁ ଯାଇଥିଲେ ସପା ମୁଖ୍ୟ । ଅଖିଳେଶଙ୍କ ସହ ଅନ୍ୟ ନେତା ମଧ୍ୟ ସାମିଲ ଥିଲେ । ସେଠାରୁ ସେ ଫେରିବା ସମୟରେ ସୀତାପୁର ମହମ୍ମୁଦାବାଦ ବସଷ୍ଟାଣ୍ଡ ନିକଟରେ ତାଙ୍କ ଗାଡି ଆଗକୁ ଏକ ଷଣ୍ଢ ପଶି ଆସିଥିଲା । ଏହାପରେ ସେ ତାର ଭିଡିଓ କରି ସୋସିଆଲ ମିଡିଆରେ ସେୟାର କରିଥିଲେ । ୟୁପି ବିଷୟରେ କିଛି ଏମିତି ଲେଖିଥିଲେ । ସେ ଲେଖିଥିଲେ ଯାତ୍ରା ସମୟରେ ଆଗରେ ଷଣ୍ଢ ତ ମିଳିବେ ହେଲେ ଚାଲି ପାରିବ ତ ଚାଲ । ୟୁପିରେ ଚାଲିବା କଠିନ । ଅଖିଳେଶ ଯାଦବ ଏହି ଭିଡିଓ ସେୟାର କରିବା ପରେ ଏହା ଭାଇରାଲ ହେବାରେ ଲାଗିଛି ।