ରାକ୍ଷୀ ପୂର୍ଣ୍ଣିମାରେ ମାଗଣା 'ଆମ ବସ' ଯାତ୍ରା; ଭୁବନେଶ୍ୱର ସମେତ 6 ସହରରେ ଦେୟ ମୁକ୍ତ ସେବା, ଖୁସି ବ୍ୟକ୍ତ କଲେ ମହିଳା

ଭୁବନେଶ୍ୱର: ଆଜି ପବିତ୍ର ରକ୍ଷା ବନ୍ଧନ । ଭାଇ ଓ ଭଉଣୀର ପବିତ୍ର ସ୍ନେହ, ବିଶ୍ୱାସ ଓ ଅତୁଟ ସମ୍ପର୍କର ପର୍ବ ରକ୍ଷା ବନ୍ଧନ । ଏପଟେ ଆଜିର ଦିନରେ ମହିଳାଙ୍କୁ ଭେଟି ବା ଉପହାର ଦେଇଛନ୍ତି ରାଜ୍ୟ ସରକାର । ଆଜି ମହିଳାମାନେ 'ଆମ ବସ'ରେ ମାଗଣାରେ ଯାତ୍ରା କରିଛନ୍ତି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ଏବଂ ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ କୃଷ୍ଣ ଚନ୍ଦ୍ର ମହାପାତ୍ରଙ୍କ ତତ୍ତ୍ଵାବଧାନରେ ପବିତ୍ର ରକ୍ଷା ବନ୍ଧନରେ ଆମ ବସ୍‌ରେ ଦେୟମୁକ୍ତ ଯାତ୍ରାର ସୁବିଧା ନେଇଛନ୍ତି ମହିଳା ।

କମ୍ପ୍ରେହେନ୍ସିଭ୍ ରିଜିଅନ୍ ଅର୍ବାନ୍ ଟ୍ରାନ୍ସପୋର୍ଟ (CRUT) ମହିଳାମାନଙ୍କୁ ସମ୍ମାନ ଓ ପ୍ରାଧାନ୍ୟ ଦେଇ ଏଭଳି ବ୍ୟବସ୍ଥା କରିଥିବା ବେଳେ ଖୁସି ବ୍ୟକ୍ତ କରିଛନ୍ତି ଆମ ବାସରେ ଯାତ୍ରା କରୁଥିବା ମହିଳା ବା ଭଉଣୀମାନେ । ଏହା ସରକାରଙ୍କର ଏକ ସ୍ୱାଗତ ଯୋଗ୍ୟ ପଦକ୍ଷେପ ହୋଇଥିବା ବେଳେ ଗୋଟେ ଦିନର ଯାତ୍ରାର ଟଙ୍କା ବଞ୍ଚିଗଲା ବୋଲି କହିଛନ୍ତି ।

ଏପରିକି କେହି କେହି ଖୁସିରେ ଭାଇ ମାନକ ପାଇଁ ବି ଥରେ ମଗଣା ବସ ସେବା ଦେବାକୁ ଦାବି ରଖିଛନ୍ତି । ତେବେ CRUT ପକ୍ଷରୁ ଭୁବନେଶ୍ୱର, କଟକ, ପୁରୀ, ରାଉରକେଲା, ସମ୍ବଲପୁର, ବ୍ରହ୍ମପୁର ଓ କେନ୍ଦୁଝର ସହରରେ ଚଳାଚଳ କରୁଥିବା ସମସ୍ତ ଆମ ବସ୍‌ରେ ଆଜି ଏହି ସୁବିଧା ଉପଲବ୍ଧ ରହିଛି ।

ଏହା ବି ପଢନ୍ତୁ- CRUTର ଘୋଷଣା; ରକ୍ଷା ବନ୍ଧନରେ ମହିଳାଙ୍କ ପାଇଁ ଆମ ବସ୍ ଯାତ୍ରା ମାଗଣା