കേരളം

kerala

എന്‍ഡിഎ സഖ്യത്തില്‍ ചേര്‍ന്ന യുവ നേതാക്കള്‍ നോട്ടുകെട്ടുകളുമായി നില്‍ക്കുന്ന ചിത്രം വൈറല്‍; വിവാദം - bundle of money Asam leaders viral

By ETV Bharat Kerala Team

Published : Apr 28, 2024, 11:05 PM IST

എൻഡിഎയുടെ സഖ്യ പാര്‍ട്ടിയുടെ നേതാക്കളുടെ കയ്യില്‍ ഇത്രയധികം പണം എവിടെ നിന്ന് വന്നു എന്ന ചോദ്യം ശക്‌തമായി ഉയര്‍ന്നിട്ടുണ്ട്.

YOUTH LEADER GOES VIRAL IN ASSAM  BODOLAND LEADERS  NDA ASSAM  എന്‍ഡിഎ സഖ്യം
Youth leaders in Assam goes viral with bundle of money

അസം: ബോഡോലാൻഡിലെ യുവ നേതാക്കള്‍ കോടിക്കണക്കിന് രൂപയുടെ നോട്ടുകളുടെ കൈയില്‍ പിടിച്ച് നിൽക്കുന്ന ചിത്രങ്ങൾ സോഷ്യൽ മീഡിയയിൽ പ്രചരിച്ചതിന് പിന്നാലെ വിവാദം. ബിടിഎഡിയിലെ ചില യുവ നേതാക്കളുടെ ചിത്രമാണ് പ്രചരിച്ചത്. വൈറലായ യുവനേതാക്കളെല്ലാവരും ബോഡോലാൻഡിലെ ഭരണകക്ഷിയായ യുപിപിഎൽ പാർട്ടിയുമായി ബന്ധപ്പെട്ടവരാണ്. അടുത്തിടെയാണ് ഈ നേതാക്കള്‍ ബിഎസ്‌യു വിട്ട് പ്രമോദ് ബോറോയുടെ നേതൃത്വത്തിലുള്ള യുപിപിഎൽ പാർട്ടിയിൽ ചേർന്നത്. എൻഡിഎയുടെ സഖ്യമായ പാര്‍ട്ടിയുടെ നേതാക്കളുടെ കയ്യില്‍ ഇത്രയധികം പണം എവിടെ നിന്നാണ് എന്ന ചോദ്യം ഉയര്‍ന്നിട്ടുണ്ട്.

ഭീമമായ തുക കൈപ്പറ്റിയാണ് നേതാക്കൾ യുപിപിഎൽ പാർട്ടിയിൽ ചേർന്നത് എന്നാണ് ആരോപണം. യുപിപിഎല്ലിൽ ചേരാന്‍ 10 ലക്ഷത്തിലധികം രൂപ ഓരോരുത്തർക്കും ലഭിച്ചതായി അഭ്യൂഹങ്ങളുണ്ടായിരുന്നു. ബിഎസ്‌യുവിൽ നിന്ന് അടുത്തിടെ യുപിപിഎല്ലിൻ്റെ നേതാക്കളായി മാറിയ നിപു രഞ്ജൻ ബസുമാറ്റരി, ഡോലരായ് ബസുമാറ്റരി, ജോണ്ടി ബസുമാറ്ററി, നിമ്രോദ് ബ്രഹ്മ, കോരംദൗ ബ്രഹ്മ എന്നിവരാണ് ചിത്രങ്ങളിലുള്ളത്.

അതേസമയം, ഫോട്ടോകളെ സംബന്ധിച്ച് നേതാക്കള്‍ ഇതുവരെ പ്രതികരിച്ചിട്ടില്ല. യുപിപിഎൽ മേധാവി പ്രമോദ് ബോറോയും വിഷയത്തിൽ പ്രതികരിച്ചിട്ടില്ല.

ചിരാംഗിൽ കൊക്രജാർ ലോക്‌സഭാ മണ്ഡലത്തിലെ എൻഡിഎ സ്ഥാനാർത്ഥിക്കായി നടത്തിയ തെരഞ്ഞെടുപ്പ് പ്രചാരണ യോഗത്തിൽ മുഖ്യമന്ത്രി പറഞ്ഞത് അവർക്ക് അവരുടേതായ ജീവിതരീതി ഉണ്ട് എന്നാണ്. ഇക്കാര്യങ്ങൾ അമിതമായി സംസാരിക്കുന്നതിനാലാണ് അവർ ദേഷ്യപ്പെടുന്നതെന്നും, ഇത്തരം വാർത്തകൾ ഉണ്ടാക്കരുതെന്നും മുഖ്യമന്ത്രി പറഞ്ഞിരുന്നു.

Also Read :'മോദിയുടെ കീഴില്‍ ഇന്ത്യ സുരക്ഷിതം'; രാജ്യം പുരോഗതിയിലേക്ക് കുതിക്കുന്നുവെന്ന് പീയുഷ് ഗോയല്‍ - Country Moving Towards Prosperity

ABOUT THE AUTHOR

...view details