കണ്ണൂർ:ബോംബ് നിര്‍മാണത്തിനിടെ ഉണ്ടായ സ്‌ഫോടനത്തില്‍ രണ്ട് പേര്‍ക്ക് പരിക്ക്. കണ്ണൂരിലെ പാനൂരിലാണ് സംഭവം. മുളിയാത്തോട് സ്വദേശി വിനീഷ്, പുത്തൂര്‍ സ്വദേശി ഷെറിന്‍ എന്നിവര്‍ക്കാണ് പരിക്കേറ്റത്. ഇന്നലെ (ഏപ്രിൽ 4) രാത്രി ഒരു മണിയോടെയാണ് സംഭവം.
പാനൂര്‍ മുളിയാത്തോട് വീടിന്‍റെ ടെറസില്‍ വച്ച് ബോംബ് നിര്‍മിക്കുന്നതിനിടെയാണ് സ്‌ഫോടനമുണ്ടായത്. സ്‌ഫോടനത്തില്‍ ഒരാളുടെ കൈപ്പത്തി പൂര്‍ണമായും തകര്‍ന്നു. ഒരാളുടെ മുഖത്തിന് പരിക്കേറ്റിട്ടുണ്ട്. ഇരുവരെയും കണ്ണൂര്‍ ചാലയിലെ സ്വകാര്യ ആശുപത്രിയില്‍ പ്രവേശിപ്പിച്ചു.