വോട്ട് ചെയ്യാന്‍ നാട്ടിലേക്ക്
കോഴിക്കോട് :ഏറ്റവും കൂടുതൽ പ്രവാസി വോട്ടർമാരുള്ള കോഴിക്കോട് ജില്ലയിൽ 90 ശതമാനത്തിനടുത്ത് വോട്ടർമാരും നാട്ടിലെത്തി. ആകെ 35,793 വോട്ടർമാരുള്ളതിൽ 29,300 പേരെ കെഎംസിസിയും ഇൻകാസും നാട്ടിലെത്തിച്ചു. അഞ്ചാമത്തെ വോട്ടുവിമാനം ഇന്ന് കരിപ്പൂരിൽ പറന്നിറങ്ങും.
യുഎയിൽ നിന്നും 120 വോട്ടർമാരുമായി വൈകുന്നേരം 4:30ന് എയർ അറേബ്യ വിമാനം എത്തിച്ചേരും. കഴിഞ്ഞ ദിവസങ്ങളിൽ എത്തിയവരിൽ ഭൂരിഭാഗവും വടകരയിലെ വോട്ടർമാരാണ്. സൗദി അറേബ്യയിൽ നിന്നും മറ്റ് രാജ്യങ്ങളിൽ നിന്നും ഒരു ഡസനോളം 'വോട്ട് വിമാനങ്ങൾ' ക്രമീകരിച്ചിട്ടുണ്ട്. പലരും ഈദുൽ ഫിത്വർ അവധിക്ക് നാട്ടിലെത്തിയിട്ടുണ്ട്.