ബ്ലാക്ക് മങ്കിയെന്ന് വിളിച്ച്‌ വംശീയാധിക്ഷേപം; മലപ്പുറത്ത് മര്‍ദനമേറ്റ ഐവറികോസ്റ്റ് താരം പൊലീസില്‍ പരാതി നല്‍കി
മലപ്പുറം : ഫുട്‌ബോള്‍ ടൂര്‍ണമെന്‍റിനിടെ മര്‍ദ്ദനവും വംശീയാധിക്ഷേപവും നേരിട്ട സംഭവത്തില്‍ മലപ്പുറം ജില്ല പൊലീസ് മേധാവിക്ക് പരാതി നല്‍കി ഐവറികോസ്റ്റ് താരം. അരീക്കോട് ചെമ്രക്കാട്ടൂരില്‍ കഴിഞ്ഞ ഞായറാഴ്‌ചയാണ് ഐവറികോസ്റ്റ് താരം ഹസന്‍ ജൂനിയറിന് കാണികളുടെ മര്‍ദ്ദനമേറ്റത്. കാണികള്‍ വംശീയാധിക്ഷേപം നടത്തി പ്രകോപിപ്പിക്കാന്‍ ശ്രമിച്ചപ്പോള്‍ താരം ഇത് ചോദ്യം ചെയ്‌തതാണ് അക്രമത്തില്‍ കലാശിച്ചത്.