പുലിയെ നാട്ടുകാർ ആക്രമിക്കുന്ന ദൃശ്യങ്ങൾ
ലക്‌നൗ: ഉത്തർ പ്രദേശിൽ വയോധികനെ ആക്രമിച്ച പുലിയെ നാട്ടുകാർ ചേർന്ന് തല്ലിച്ചതച്ചു. മർദനമേറ്റ പുലി വിരണ്ടോടി. പുലിയുടെ ആക്രമണത്തിൽ നിരവധി പേർക്ക് പരിക്കേറ്റിട്ടുണ്ട്. സിദ്ധാർഥ്നഗർ ജില്ലയിലെ ഹത്വ ഗ്രാമത്തിലാണ് സംഭവം.
ഇന്ന് (ഏപ്രിൽ 29) പുലർച്ചെയാണ് ഗ്രാമത്തിൽ പുലി പ്രവേശിച്ചത്. വീട്ടിലെ വരാന്തയിൽ ഇരിക്കുകയായിരുന്ന എൺപതുകാരനെയാണ് പുലി ആദ്യം ആക്രമിച്ചത്. വയോധികന്‍റെ നിലവിളി കേട്ട് വന്ന നാട്ടുകാരെയും പിന്നീട് പുലി ആക്രമിച്ചു. തുടർന്ന് നാട്ടുകാർ ചേർന്ന് പുലിയെ വടി കൊണ്ട് അടിക്കുകയായിരുന്നു.