തിരുനെൽവേലിയിൽ കാർ വെള്ളക്കെട്ടിലേക്ക്‌ മറിഞ്ഞ് ദമ്പതികൾ മുങ്ങിമരിച്ചു - COUPLE DROWN IN TIRUNELVELI

തിരുനെൽവേലി ഹൈവേയിൽ കാർ നിയന്ത്രണം വിട്ട് വെള്ളം നിറഞ്ഞ കുഴിയിലേക്ക് മറിഞ്ഞതിനെ തുടർന്ന് ദമ്പതികൾ മുങ്ങിമരിച്ചു.

തിരുനെൽവേലി (തമിഴ്‌നാട്) : വെള്ളം നിറഞ്ഞ കുഴിയിലേക്ക്‌ കാർ മറിഞ്ഞ്‌ ദമ്പതികൾ മുങ്ങിമരിച്ചു. തെങ്കാശി ജില്ലയിലെ ശങ്കരൻകോവിലിനടുത്ത് തിരുനെൽവേലി ഹൈവേയിലാണ്‌ സംഭവം. വെങ്കിടേഷ്, സുമിത്ര എന്നിവരാണ് മരിച്ചത്‌.

ദമ്പതികൾ പാളയങ്കോട്ടയിലെ ബന്ധുവീട്ടില്‍ പോയി മടങ്ങവെ കാർ നിയന്ത്രണം വിട്ട് കുഴിയിലേക്ക് വീഴുകയായിരുന്നുവെന്ന് പൊലീസ് പറഞ്ഞു. വിഷയത്തിൽ കൂടുതൽ അന്വേഷണം നടന്നുവരികയാണ്.