रत्नागिरी - जिल्ह्यात देखील सध्या पावसाचा जोर पाहायला मिळत आहे. कालपासून(मंगळवार) जिल्ह्यात सर्वदूर वरूणराजा कोसळत असून, नद्यांच्या पाणीपातळीत देखील वाढ झाल्याचे चित्र दिसून येत आहे. काही ठिकाणी नद्यांच्या पुराचं पाणी शेतात शिरल्यानं भातशेतीचं मोठ्या प्रमाणावर नुकसान झालं आहे. लांजा तालुक्यातील भांबेडमध्ये ढगफुटी सदृश्य पाऊस झाल्यानं मुचकुंदी नदीला पूर आला. त्यामुळे भातशेतीचं मोठ्या प्रमाणावर नुकसान झालं आहे. तर, गणपतीपुळे येथे वादळी-वाऱ्यासह पाऊस झाल्यानं घरावर झाड कोसळले. पण, यामध्ये कोणतीही जीवितहानी झालेली नाही.
रत्नागिरी जिल्ह्यातही पावसाचा जोर वाढला