Chandrashekhar Bawankule : मिलिंद नार्वेकर-अमित शाह यांच्यातील चर्चांना बावनकुळेंनी दिले उत्तर; म्हणाले...

शिंदे - फडणवीस सरकार स्थापन ( Shinde Fadnavis Govt ) झाल्यावर राज्यात विशेषतः मुंबईत भाजप ने सर्व सण उत्सव धुमधडाक्यात करण्याचा सपाटा लावला आहे. यावरून त्यांच्यावर उद्धव ठाकरे यांच्या शिवसेनेकडून टीका केली ( Shiv Sena criticizes BJP ) जात आहे. या टीकेला भाजप प्रदेशाध्यक्ष चंद्रशेखर बावनकुळे ( BJP State President Chandrasekhar Bawankule ) यांनी सडेतोड उत्तर दिले आहे.

मुंबई - सगळीकडे दिवाळीची धूम ( Dhoom of Diwali ) पसरलेली असताना राजकारणीही एकमेकांवर टीका टिपण्णी करण्यात व्यस्त आहेत. शिंदे - फडणवीस सरकार स्थापन ( Shinde Fadnavis Govt ) झाल्यावर राज्यात विशेषतः मुंबईत भाजप ने सर्व सण उत्सव धुमधडाक्यात करण्याचा सपाटा लावला आहे. यावरून त्यांच्यावर उद्धव ठाकरे यांच्या शिवसेनेकडून टीका केली ( Shiv Sena criticizes BJP ) जात आहे. या टीकेला भाजप प्रदेशाध्यक्ष चंद्रशेखर बावनकुळे ( BJP State President Chandrasekhar Bawankule ) यांनी सडेतोड उत्तर दिले आहे. तसेच नागपूर, कोकण, मराठवाडा, नाशिक व अकोला असे ३ शिक्षक व दोन पदवीधर मतदारसंघाच्या निवडणुका पुढील वर्षी होत आहेत. या साठी मराठवाडा शिक्षक मतदार संघातून भाजपने किरण पाटील यांना उमेदवारी जाहीर केली आहे. मुंबईत आज भाजप प्रदेशाध्यक्ष चंद्रशेखर बावनकुळे यांनी याची घोषणा केली.

तुम्ही सुद्धा मिठाई वाटा -राज्यात, मुंबईत दीपावलीचे फटाके फुटायला सुरुवात झाली असताना आता राजकारण्यांनी सुद्धा एकमेकांवर शाब्दिक हल्लाबोल सुरू केला आहे. भाजप ज्या पद्धतीने मुंबईत सर्व सण, उत्सव धुमधडाक्यात साजरे करत आहे ते पाहता विरोधक विशेष करून उद्धव ठाकरे यांच्या शिवसेनेकडून भाजपवर टीका केली जात आहे. या टीकेला भाजप प्रदेशाध्यक्ष चंद्रशेखर बावनकुळे यांनी सडेतोड उत्तर दिले आहे. ते म्हणाले की, मागच्या सरकार मध्ये तत्कालीन मुख्यमंत्री
उध्दव ठाकरे यांना अडीच वर्षाचा कालावधी भेटला होता. तेव्हा त्यांनी सर्व हिंदू सणांवर निर्बंध लावले. आता आमच्या सरकारने सर्व निर्बंध हटवले. सरकार मध्ये तेव्हा तुम्ही होता मग का नाही उत्सव साजरे केले? असा सवालही बावनकुळे यांनी उपस्थित केला. तसेच आता आम्ही करतोय तर तुम्हाला का आपती आहे. तुम्ही सुद्धा मिठाई वाटा. वाटल्यास आम्ही एक मिठाईचा डब्बा तुम्हाला पाठवतो. असा मिश्किल टोमणा सुद्धा त्यांनी लगावला.

भाजप कडून किरण पाटील यांना उमेदवारी -शिक्षक परिषद व भारतीय जनता पार्टी यांनी एकत्रितपणे ही निवडणूक लढवण्याचे ठरवले असून मराठवाड्यासाठी किरण पाटील यांना भाजपकडून उमेदवारी देण्यात आली आहे. किरण पाटील यांचे शिक्षण क्षेत्रात त्यांचे फार मोठे काम असल्याने त्यांना ही उमेदवारी देण्यात आल्याचे बावनकुळे यांनी सांगितले. तसेच
या मतदार संघात शिक्षक पदवीधर निवडणूक लढवणार असल्याकारणाने त्यांना उमेदवारी दिली आहे. १५ दिवसापूर्वी त्यांनी भाजप मध्ये प्रवेश केला असून अत्यंत मनमिळाऊ व सर्वांना सोबत घेऊन जाणारा कार्यकर्ता अशी त्यांची ओळख असून या मतदारसंघातून त्यांना नक्कीच विजय मिळेल अशी आशाही बावनकुळे यांनी व्यक्त केली.

दीपोत्सव आपल्या संस्कृतीचा एक भाग आहे -शिंदे व फडणवीस यांनी मनसे प्रमुख राज ठाकरे यांच्या दीपोत्सवाला हजेरी लावल्यामुळे भाजप व शिंदे गटाशी मनसे ची जवळीक वाढत आहे? यावर त्यांना विचारले असता, ते म्हणाले की, मी एक लाख टक्के सांगतो की मनसे प्रमुख राज ठाकरे, मुख्यमंत्री व उपमुख्यमंत्री एकत्र आले यात काही राजकारण नाही. हा आपल्या संस्कृतीचा भाग आहे. होळी, दिवाळी सण यासाठीच असतात की सर्वांनी राजकीय धुळवड सोडून या सणाच्या निमित्ताने एकत्र येतात.विधानसभेला अजून उशीर आहे. फक्त दीपोत्सवाच्या निमित्ताने हे एकत्र आले. तसेच शिंदे व देवेंद्र फडणवीस हे प्रचंड उच्चविचाराचे आहेत. त्यामुळे यासर्व कपोल कल्पित बातम्या बाहेर येत आहेत, असेही ते म्हणाले.

अमित शहा यांना सर्वच शुभेच्या देत असतात!मिलिंद नार्वेकर यांनी अमित शहा यांना वाढदिवसाच्या शुभेच्छा दिल्या त्यात नवीन काय आहे. ते मोठे नेते आहेत त्यांना सर्वच शुभेच्छा देत असतात. आता मागच्या वर्षी का नाही दिल्या हे नार्वेकर यांनाच विचारा असा टोमणा ही त्यांनी पत्रकारांना लगावला.