मुंबई - बॉलिवूडचा खिलाडी अक्षय कुमार आणि ट्विंकल खन्ना हे एक पॉवर कपल मानलं जातं. त्यांच्या लग्नाला आज १९ वर्षे पूर्ण झाली आहेत. अक्षयने ट्विंकलसोबत १७ जानेवारी २००१ साली लग्नगाठ बांधली होती. त्यांच्या लग्नाच्या वाढदिवसानिमित्त अक्षयने ट्विंकलला आगळ्या वेगळ्या शुभेच्छा दिल्या आहेत.
अक्षयने ट्विंकलसोबतचा एक फोटो सोशल मीडियावर शेअर केला आहे. या फोटोत अक्षयचा '२.०' चित्रपटातील राक्षसी लुक पाहायला मिळतो. या फोटोपेक्षा अक्षयने यावर दिलेल्या कॅप्शनने नेटकऱ्यांचे लक्ष वेधले आहे.