मुंबई : सामंथा रुथ प्रभू सध्या आगामी 'खुशी' चित्रपटामुळे खूप चर्चेत आहे. या चित्रपटाचे शूटिंग तिने पूर्ण केले आहे. हा चित्रपट लवकरच रुपेरी पडद्यावर प्रदर्शित होणार आहे. दरम्यान नुकतेच या चित्रपटासाठी एका म्युझिक कॉन्सर्टचे आयोजन करण्यात आले होते. कार्यक्रमामध्ये सामंथाही उपस्थित होती. या कार्यक्रमात नागा चैतन्यच्या 'मजिली' या चित्रपटातील 'प्रियतम..प्रियतम' चे लाईव्ह परफॉर्मन्सही सादर करण्यात आले. हे गाणे गायक सादर करत असताना सामंथा खूप भावूक होताना दिसली. सोशल मीडियावर सामंथाचा एक व्हिडिओ व्हायरल होत आहे, ज्यात ती भावूक होताना दिसत आहे.
समांथाच्या डोळ्यात अश्रू : 'खुशी'च्या म्युझिक कॉन्सर्टमध्ये सामंथा या व्हिडिओमध्ये आपले अश्रू रोखण्याचा प्रयत्न करत असल्याचे दिसत आहे. हे गाणे सामंथाने घटस्फोटित पती नागा चैतन्यसोबत शूट केले आहे. या गाण्यात सामंथा आणि नागा चैतन्यची खूप सुंदर केमेस्ट्री दाखविण्यात आली आहे. हे गाणे खूप जास्त हिट देखील झाले होते. सामंथाचा हा व्हिडिओ सोशल मीडियावर व्हायरल झाल्यानंतर यूजर या व्हिडिओवर वेगवेगळ्या प्रतिक्रिया देत आहेत. सामंथा या गाण्यामुळे भावूक झाल्याने तिचे चाहते खूप नाराज झाले आहेत. यावर कमेंट करताना एका यूजरने लिहिले की, 'वेळ सर्व काही ठीक करेल'. त्यानंतर दुसऱ्या चाहत्यांनी म्हटले की, ती खूप चांगला अभिनय करते तिच्या अभिनयाला ऑस्कर देण्यात यावा, अशा देखील या व्हिडिओवर कमेंट आल्या आहेत.