चंडीगढ (पंजाब) :अनेकवेळा अशी प्रकरणे न्यायालयात येतात, जी चर्चेचा विषय बनतात. असेच एक प्रकरण पंजाब हरियाणा हायकोर्टात समोर आले आहे. हे प्रकरण दोन मुलींशी संबंधित आहे. वास्तविक चंदीगडच्या दोन मुलींना एकमेकांशी लग्न करायचे आहे. मात्र, मुलीचे नातेवाईक तिच्या निर्णयावर खूश नाहीत. त्यानंतर दोन्ही मुलींनी पंजाब हरियाणा उच्च न्यायालयात एकमेकांशी लग्न करण्याची परवानगी मिळावी अशी मागणी करणारी याचिका दाखल केली होती. त्यावर न्यायालयाने लग्न करण्यास परवाणगी नाकारली आहे. लग्न करता यावे यासाठी दोघांनी उच्च न्यायालयाकडे परवानगी मागितली आहे.
भारतात समलिंगी विवाह वैध नाही : दोन्ही मुली चंदीगड येथील सेक्टर 56 येथील रहिवासी असल्याचे सांगण्यात येत आहे. हायकोर्टात दाखल केलेल्या याचिकेत दोन्ही मुलींनी म्हटले आहे की, त्यांच्यापैकी एकाचे नातेवाईक त्यांच्या नात्याला सहमती देत आहेत. मात्र, दुसऱ्या मुलीचे नातेवाईक ते स्वीकारत नाहीत. त्यामुळे दोघांनी उच्च न्यायालयात लग्नाला परवानगी मिळावी, अशी याचिका दाखल केली आहे. दोन्ही मुलींच्या याचिकेवर सुनावणी करताना पंजाब हरियाणा उच्च न्यायालयाने सांगितले की, भारतात समलिंगी विवाह वैध नाही.
दोन्ही मुली खासगी क्षेत्रात काम करतात : यासंबंधीची अनेक प्रकरणे अजूनही सुप्रीम कोर्टात सुरू असल्याचे हायकोर्टाने म्हटले आहे. अशा परिस्थितीत न्यायालय दोन्ही मुलींना लग्न करण्याची परवानगी देऊ शकत नाही. परंतु, दोघांनाही एकत्र राहण्याची परवानगी देऊ शकते. दोन्ही मुलींनीही आपल्या जीवाला धोका असल्याचे उच्च न्यायालयात सांगून सुरक्षेची विनंती केली आहे. उच्च न्यायालयाच्या आदेशानुसार चंदीगड पोलिसांनी दोन्ही मुलींना सुरक्षा पुरवली आहे. या दोन्ही मुली खासगी क्षेत्रात काम करत असल्याचे सांगण्यात येत आहे.
प्रत्येक नागरिकाची सुरक्षा हा त्याचा घटनात्मक अधिकार : दोन्ही मुलींना एकमेकांशी लग्न करायचे आहे. पण भारतीय संविधानात समलिंगी विवाहाची तरतूद नाही. त्यामुळे पंजाब हरियाणा उच्च न्यायालयाने दोन्ही मुलींच्या लग्नाला परवानगी दिली नाही. उच्च न्यायालयाच्या आदेशानुसार दोन्ही मुली पोलीस संरक्षणात लिव्ह इन रिलेशनशिपमध्ये राहत आहेत. दोघांनाही सुरक्षा देण्याच्या आवाहनावर पंजाब हरियाणा उच्च न्यायालयाने सांगितले की, भारतातील प्रत्येक नागरिकाची सुरक्षा हा त्याचा घटनात्मक अधिकार आहे, अशा परिस्थितीत उच्च न्यायालयाने दोघांच्या नात्यावर भाष्य न करता त्यांना सुरक्षा देण्याचे आदेश दिले आहेत.
हेही वाचा : Mamata slams Bjp-Left: दंगलखोरांना सोडणार नाही.. ममता बॅनर्जींचा भाजप- डाव्या पक्षांवर निशाणा
