തൃശൂർ : പന്തീരാങ്കാവ് യുഎപിഎ കേസിൽ ജാമ്യം ലഭിച്ച താഹ ഫസൽ ജയിൽ മോചിതനായി. തനിക്കെതിരെ യുഎപിഎ ചുമത്തിയ സംസ്ഥാന സർക്കാരിനുള്ള തിരിച്ചടിയാണ് മോചനമെന്ന് താഹ പ്രതികരിച്ചു.
വളരെ രാഷ്‌ട്രീയ പ്രാധാന്യമുള്ള കേസാണിത്. അഭിഭാഷകര്‍, മാധ്യമ സുഹൃത്തുക്കൾ, മനുഷ്യാവകാശ പ്രവർത്തകർ തുടങ്ങി ഒരുപാട് പേർ കൂടെ നിന്നു. അവർക്ക് നന്ദിയും കടപ്പാടും അറിയിക്കുകയാണെന്നും താഹ പറഞ്ഞു.
'ജാമ്യം സര്‍ക്കാരിനേറ്റ തിരിച്ചടി' ; താഹ ഫസല്‍ ജയിൽ മോചിതനായി
സിപിഎം പ്രവർത്തകരായ ചില സുഹൃത്തുക്കളിൽ നിന്ന് സഹായം ലഭിച്ചിട്ടുണ്ട്. എന്നാല്‍ പാർട്ടിപരമായി യാതൊരു പിന്തുണയും ലഭിച്ചിട്ടില്ലെന്നും താഹ കൂട്ടിച്ചേർത്തു.