ചരിത്രനിമിഷത്തിനാണ് കേരളത്തിനൊപ്പം ദേശീയ രാഷ്‌ട്രീയവും സാക്ഷ്യം വഹിച്ചത്. നാല് ദശകങ്ങളായുള്ള കേരളരാഷ്‌ട്രീയത്തിൽ നിന്നും ചുവട് മാറി തുടർഭരണം സ്വന്തമാക്കി കാപ്‌റ്റന്‍ പിണറായി വിജയനും ടീമും അധികാരത്തിലേറി. ദേശീയനേതാക്കളും രാഷ്‌ട്രീയപ്രമുഖരും പിണറായി വിജയനും പുതിയ മന്ത്രിസഭക്കും അഭിനന്ദനമറിയിക്കുകയാണ്.
കേരളത്തിലെ ജനങ്ങളുടെ വികസനത്തിനായുള്ള പിണറായിയുടെ യാത്രയ്‌ക്ക് ആശംസകൾ അറിയിക്കുന്നതായി എൻസിപി ദേശീയ അധ്യക്ഷൻ ശരദ് പവാർ ട്വീറ്റ് ചെയ്തു. "കേരള മുഖ്യമന്ത്രിയായി സത്യപ്രതിജ്ഞ ചെയ്ത പിണറായി വിജയന് ഹൃദയംഗമമായ അഭിനന്ദനങ്ങൾ. കേരളത്തിലെ ജനങ്ങളുടെ വികസനത്തിലേക്കുള്ള നിങ്ങളുടെ യാത്രയിൽ എന്‍റെ ആശംസകൾ," ശരദ് പവാർ പറഞ്ഞു. രണ്ടാം പിണറായി വിജയന് മന്ത്രിസഭയില്‍ അംഗമായ എന്‍സിപിയുടെ എ.കെ. ശശീന്ദ്രനും ശരദ് പവാർ പ്രത്യേകം ആശംസ അറിയിച്ചു.