തിരുവനന്തപുരം:സംസ്ഥാനത്തെ കനിവ് 108 ആംബുലന്‍സ് ഡ്രൈവറായി ഇന്ന് മുതല്‍ വനിതയും. ഇതാദ്യമായാണ് സര്‍ക്കാര്‍ ആംബുലന്‍സ് മേഖലയില്‍ വനിത ഡ്രൈവറെത്തുന്നത്. അന്താരാഷ്ട്ര വനിതാദിനം മുതല്‍ പെണ്‍കരുത്തിലും 108 ആംബുലന്‍സ് ജീവന്‍ രക്ഷിക്കാനായി കുതിക്കും.
കോട്ടയം മേമുറി പാലപ്പറമ്പില്‍ വീട്ടില്‍ ദീപമോളാണ് ആംബുലന്‍സ് ഡ്രൈവറായി ചുമതലയേല്‍ക്കുന്നത്. രാജ്യത്ത് ട്രാവലര്‍ ആംബുലന്‍സുകള്‍ ഓടിക്കുന്ന ചുരുക്കം വനിതകള്‍ മാത്രമാണുള്ളത്. യാത്രയോടുള്ള ഇഷ്ടം കൊണ്ടാണ് ദീപ ഡ്രൈവിങ് മേഖലയിലേക്കെത്തിയത്. 2008ല്‍ ലൈസന്‍സ് നേടി. 2009ല്‍ ഹെവി ലൈസന്‍സും കരസ്ഥമാക്കി. ഡ്രൈവിങ് സ്‌കൂള്‍ അധ്യാപികയായും ടിപ്പര്‍ ലോറി ഡ്രൈവറായും ടാക്സി ഡ്രൈവറായുമൊക്കെ ദീപ ജോലി ചെയ്തിട്ടുണ്ട്.
ഇനി പെണ്‍കരുത്തിലും കുതിക്കാന്‍ 108 ആംബുലന്‍സ് ; ആദ്യ വനിത ഡ്രൈവറാകാന്‍ ദീപമോള്‍