തിരുവനന്തപുരം : ബോളിവുഡ് ഗായകന്‍ കെകെയുടെ നിര്യാണത്തില്‍ അനുശോചനം രേഖപ്പെടുത്തി മുഖ്യമന്ത്രി പിണറായി വിജയന്‍. 'വേറിട്ട ശബ്‌ദം കൊണ്ട് നമ്മെ ആകര്‍ഷിച്ച കെകെ എന്നറിയപ്പെടുന്ന കൃഷ്‌ണകുമാര്‍ കുന്നത്തെന്ന അതുല്യ ഗായകന്‍റെ വിയോഗത്തില്‍ ദുഖം രേഖപ്പെടുത്തുന്നു.' മുഖ്യമന്ത്രി ട്വീറ്റ് ചെയ്‌തു.
'മലയാളിയായ ഗായകന്‍ കെകെയുടെ പെട്ടെന്നുള്ള വിയോഗം ഇന്ത്യന്‍ സംഗീത ലോകത്തിന് തീരാനഷ്‌ടമാണ്. കുടുംബത്തിന്‍റെയും ആരാധകരുടേയും ദുഖത്തില്‍ പങ്കുചേരുന്നു.' മുഖ്യമന്ത്രി ട്വിറ്ററില്‍ കുറിച്ചു. 'പിന്നണി ഗായകന്‍ കെകെയുടെ പെട്ടെന്നുള്ള മരണം വലിയ ദുഖം ഉണ്ടാക്കുന്നു. കുടുംബത്തിന്‍റെ ദുഖത്തില്‍ പങ്കുചേരുന്നു. ആത്മാവിന് നിത്യ ശാന്തി' - ഗായിക കെ എസ് ചിത്ര തന്‍റെ ഫേസ്ബുക് പേജില്‍ കുറിച്ചു.