മലപ്പുറം: ചെറുതുരുത്തിയില്‍ പ്ലസ് വൺ വിദ്യാർഥിനിയെ പ്രണയം നടിച്ച് പീഡിപ്പിക്കുകയും സുഹൃത്തിന് കാഴ്ചവെയ്ക്കുകയും ചെയ്ത രണ്ട് പേർ അറസ്റ്റില്‍. ചെറുതുരുത്തി പടിഞ്ഞാറം കുന്നത്ത് വീട്ടില്‍ അബ്ദുൾ സമദ് (22), തിരൂരങ്ങാടി സ്വദേശി മുബാറക്ക് (35) എന്നിവരാണ് പിടിയിലായത്. സൈബര്‍ സെല്ലിന്‍റെ സഹായത്തോടെ ചെറുതുരുത്തി സബ് ഇന്‍സ്പെക്ടര്‍ സിബീഷിന്‍റെ നേതൃത്വത്തിലാണ് പ്രതികളെ അറസ്റ്റ് ചെയ്തത്. പ്ലസ് വൺ വിദ്യാർഥിനിയെ പ്രണയം നടിച്ച് ലൈംഗികമായി ഉപയോഗിച്ച ശേഷം സുഹൃത്തിനും കാഴ്ച്ചവച്ചു എന്നാണ് കേസ്. അറസ്റ്റിലായ പ്രതികളെ കോടതിയില്‍ ഹാജരാക്കി റിമാൻഡ് ചെയ്തു.