മലപ്പുറം : കരിപ്പൂർ വിമാനത്താവളത്തിൽ രണ്ട് യാത്രക്കാരിൽ നിന്നായി 85.64 ലക്ഷം രൂപയുടെ സ്വര്ണം പിടികൂടി. 1656 ഗ്രാം സ്വർണമാണ് കോഴിക്കോട് കസ്റ്റംസ് പ്രിവന്റീവ് വിഭാഗം കണ്ടെടുത്തത്.
ദുബായിൽ നിന്ന് എത്തിയ ഒരു യാത്രക്കാരനിൽ നിന്ന് 664.9 ഉം മറ്റൊരു യാത്രക്കാരനിൽ നിന്ന് 991.5 ഉം ഗ്രാം സ്വർണമാണ് കസ്റ്റംസ് പിടികൂടിയത്. ഇരുവരും മിശ്രിത രൂപത്തിൽ ഗുളികകൾ ആക്കി ശരീരത്തിൽ ഒളിപ്പിച്ചാണ് സ്വർണം കടത്താൻ ശ്രമിച്ചത്.