'ആരോഗ്യവകുപ്പ് ഹൈജാക്ക് ചെയ്യപ്പെട്ടു' ; രോഗിക്ക് അവയവം കൊണ്ടുവരേണ്ടത് ഡിവൈഎഫ്ഐ അല്ലെന്ന് പ്രതിപക്ഷനേതാവ്

ആരോഗ്യ വകുപ്പ്, മന്ത്രിയുടെ നിയന്ത്രണത്തിലല്ലെന്നും അവിടെ കൃത്യമായ ഏകോപനം നടക്കുന്നില്ലെന്നും പ്രതിപക്ഷ നേതാവ്

കോഴിക്കോട് :ആരോഗ്യ വകുപ്പ് ഹൈജാക്ക് ചെയ്യപ്പെട്ടിരിക്കുകയാണെന്ന് പ്രതിപക്ഷനേതാവ് വി.ഡി സതീശൻ. ആരോഗ്യ വകുപ്പ്, മന്ത്രിയുടെ നിയന്ത്രണത്തിലല്ല. അവിടെ കൃത്യമായ ഏകോപനം നടക്കുന്നില്ല. രോഗിക്ക് ആവശ്യമായ അവയവം കൊണ്ടുവരേണ്ടത് ഡിവൈഎഫ്ഐ അല്ലെന്നും പ്രതിപക്ഷനേതാവ് പറഞ്ഞു.

സ്വർണക്കള്ളക്കടത്തിൽ സർക്കാർ അനുമതിയോടെ രണ്ട് എഡിജിപിമാർ ഇടനിലക്കാരായി പ്രവർത്തിച്ചിട്ടുണ്ട്. സംസ്ഥാനത്ത് കലാപമുണ്ടാക്കി ശ്രദ്ധ തിരിക്കാൻ സർക്കാർ ശ്രമിക്കുകയാണെന്നും വിഡി സതീശൻ ആരോപിച്ചു.