കെഎസ്ആർടിസി ബസും ലോറിയും കൂട്ടിയിടിച്ചു
കോഴിക്കോട്: ദേശീയപാതയിൽ വടകര പാലോളിപാലത്ത് ബസും ലോറിയും കൂട്ടിയിടിച്ച് പതിനഞ്ച് പേർക്ക് പരിക്ക്. കണ്ണൂരിലേക്ക് പോവുകയായിരുന്ന കെഎസ്ആർടിസി ബസ് ലോറിയുമായി കൂട്ടിയിടിക്കുകയായിരുന്നു. എട്ട് മണിയോടെയാണ് അപകടം.
പാലുമായി പോവുകയായിരുന്ന ലോറിയാണ് അപകടത്തിൽപ്പെട്ടത്. ലോറി ഡ്രൈവറെ വാഹനം വെട്ടിപ്പൊളിച്ചാണ് എടുത്തത്. പരിക്കേറ്റവരെ കോഴിക്കോട് മെഡിക്കൽ കോളജിൽ പ്രവേശിപ്പിച്ചു. കെഎസ്ആർടിസി ബസിന്‍റെ ഒരു ഭാഗം പൂർണമായും തകർന്ന അവസ്ഥയിലാണ്.
Also read:തൃശൂരില്‍ ബസും കാറും കൂട്ടിയിടിച്ച് അപകടം; ഒരു കുടുംബത്തിലെ 4 പേര്‍ മരിച്ചു