കൊല്ലം: ശക്തമായ മഴയിൽ കൊല്ലം ജില്ലയിലെ കിഴക്കൻ മേഖലയിൽ വീടുകൾ തകർന്നു. പത്തനാപുരം താലൂക്കിലാണ് കൂടുതല്‍ നാശനഷ്ടം. മോശം കാലാവസ്ഥയെ തുടര്‍ന്ന് ജില്ലയിലെ വിവിധ താലൂക്കുകളിൽ കൺട്രോൾ റൂം പ്രവർത്തനം ആരംഭിച്ചിട്ടുണ്ട്.
സംസ്ഥാനത്ത് മഴ തുടരുന്നു; കൊല്ലം കിഴക്കന്‍ മേഖലയില്‍ വന്‍ നാശനഷ്ടം
കഴിഞ്ഞ ദിവസം വൈകുന്നേരം ആരംഭിച്ച മഴ രാത്രിയോടെ ശക്തി പ്രാപച്ചതോടെ കൊല്ലം നഗരത്തിലെ താഴ്ന്ന പ്രദേശങ്ങള്‍ വെള്ളത്തിലായി. ജില്ലയുടെ കിഴക്കൻ മേഖലയിൽ വീശിയടിച്ച കനത്ത കാറ്റിൽ മരങ്ങൾ പലയിടത്തും കടപുഴകി വീണാണ് നാശ നഷ്‌ടമുണ്ടായത്. നാല് വീടുകൾ ഭാഗികമായും രണ്ട്‌ വീടുകള്‍ പൂര്‍ണമായും തകർന്നുവെന്നാണ് റിപ്പോര്‍ട്ട്.