കാസർകോട് :മഞ്ചേശ്വരത്ത് 3,000 പാക്കറ്റ് നിരോധിത പാൻമസാലയുമായി യുവാവ് പിടിയിൽ. കൂത്തുപറമ്പ് സ്വദേശി നിജാസിനെയാണ് മഞ്ചേശ്വരം പൊലീസ് അറസ്റ്റ് ചെയ്തത്. കർണാടകയിൽ നിന്ന് കണ്ണൂരിലേക്ക് പാൻമസാല കടത്തുന്നതിനിടെയാണ് പ്രതി പിടിയിലായത്.
കർണാടക അതിർത്തി മേഖലയായ മഞ്ചേശ്വരം ബഡാജയിൽ പൊലീസ് നടത്തിയ വാഹന പരിശോധനക്കിടെയാണ് കാറിൽ കടത്തുകയായിരുന്ന 3,000 പാക്കറ്റ് പാൻമസാല ശേഖരം പിടികൂടിയത്. കണ്ണൂരിലേക്ക് വസ്ത്രവുമായി പോകുകയാണെന്നാണ് പരിശോധനക്കിടെ യുവാവ് പൊലീസിനോട് പറഞ്ഞത്. എന്നാൽ സംശയം തോന്നിയ പൊലീസ് വാഹനം വിശദമായി പരിശോധിച്ചപ്പോഴാണ് അഞ്ച് ചാക്കുകളിലായി സൂക്ഷിച്ച പാൻമസാലകൾ കണ്ടെത്തിയത്.