കാസർകോട്: സാമൂഹിക മാധ്യമങ്ങള് വഴി വിദ്വേഷ പ്രചാരണം നടത്തുന്ന സംഭവങ്ങള്ക്ക് എതിരെ നടപടി ശക്തമാക്കി പൊലീസ്. ഇതുവരെ ഇരുപതോളം കേസുകള് കാസർകോട് പൊലീസ് രജിസ്റ്റർ ചെയ്തു. സാമൂഹിക മാധ്യമങ്ങളിലൂടെ അപകീർത്തി പെടുത്തുന്നതും മതസ്പർധ വളർത്തുന്നതുമായ സന്ദേശങ്ങൾ അയച്ചവർക്കെതിരെയാണ് നടപടി.
കഴിഞ്ഞ ദിവസങ്ങളിലായി എറണാകുളം, മലപ്പുറം, തിരുവനന്തപുരം, കൊല്ലം പത്തനംതിട്ട, ആലപ്പുഴ, കോട്ടയം, തൃശൂര്, തൃശൂര്, പാലക്കാട്, കോഴിക്കോട്, കണ്ണൂര് ജില്ലകളിലും നിരവധി കേസുകൾ രജിസ്റ്റർ ചെയ്തിട്ടുണ്ട്. സാമൂഹികവിദ്വേഷവും മതസ്പര്ദ്ധയും സാമൂഹിക മാധ്യമങ്ങളില് പ്രചരിപ്പിക്കുന്നത് തടയുകയാണ് പൊലീസിന്റെ മുഖ്യ ലക്ഷ്യം.