വിഴിഞ്ഞം കേരളത്തിന് വലിയ നേട്ടമുണ്ടാക്കുന്ന പദ്ധതി; ധനമന്ത്രി കെഎൻ ബാലഗോപാൽ

വിഴിഞ്ഞം സമര സമിതി ഉന്നയിക്കുന്നത് നടക്കാത്ത ആവശ്യം. സമരം ചർച്ചയിലൂടെ പരിഹരിക്കാനാകുമെന്ന് കരുതുന്നു എന്നും ധനമന്ത്രി കെഎൻ ബാലഗോപാൽ കണ്ണൂരില്‍ പറഞ്ഞു.

കണ്ണൂർ: വിഴിഞ്ഞം കേരളത്തിന് വലിയ നേട്ടമുണ്ടാക്കുന്ന പദ്ധതിയാണന്ന് ധനമന്ത്രി കെഎൻ ബാലഗോപാൽ. നിശ്ചിത സമയത്തിനകം പദ്ധതി പൂർത്തിയാക്കാനാകുമെന്നാണ് പ്രതീക്ഷ. സമരം ചർച്ചയിലൂടെ പരിഹരിക്കാനാകുമെന്ന് കരുതുന്നു. നടക്കാത്ത ആവശ്യമാണ് സമര സമിതി ഉന്നയിക്കുന്നതെന്നും മന്ത്രി കണ്ണൂരിൽ പറഞ്ഞു.

പദ്ധതി അവസാനഘട്ടത്തിലേക്ക് എത്തുമ്പോഴാണ് പ്രശ്‌നങ്ങൾ ഉണ്ടാക്കുന്നത്. പലരും വസ്‌തുതകൾ മനസിലാക്കി. എല്ലാവരെയും ബോധ്യപ്പെടുത്തി പദ്ധതി പൂർത്തിയാക്കാനാകുമെന്നാണ് പ്രതീക്ഷയെന്നും മന്ത്രി കൂട്ടിച്ചേർത്തു.