ഇടുക്കി:വണ്ടൻമേട് ഗ്രാമപഞ്ചായത്തിൽ യുഡിഎഫ് - ബിജെപി പിന്തുണയോടെ സ്വതന്ത്ര അംഗം സുരേഷ് മാനങ്കേരി പ്രസിഡന്‍റായി തെരഞ്ഞെടുക്കപ്പെട്ടു. എൽഡിഎഫ് പ്രതിനിധിയായിരുന്നു സിബി എബ്രഹാമിനെ അവിശ്വാസത്തിലൂടെ പുറത്താക്കിയതിനെ തുടർന്നാണ് പ്രസിഡന്റ് തെരഞ്ഞെടുപ്പ് നടന്നത്. 18 വാർഡുകളുള്ള പഞ്ചായത്തിൽ എൽഡിഎഫിന് എട്ടും യുഡിഎഫിന് ആറും ബിജെപിക്ക് മൂന്നും അംഗങ്ങളുണ്ട്.
വണ്ടൻമേട് പഞ്ചായത്ത്; യുഡിഎഫും ബിജെപിയും പിന്തുണച്ചു, സുരേഷ് മാനങ്കേരി പ്രസിഡന്റ്
മുൻപ് ഒൻപത് അംഗങ്ങളായിരുന്നു എൽഡിഎഫിന് ഉണ്ടായിരുന്നത്. മയക്കുമരുന്ന് കേസിൽ പൊലീസിന്‍റെ പിടിയിലായതോടെ എൽഡിഎഫ് പിന്തുണയോടെ വിജയിച്ച സൗമ്യ പഞ്ചായത്ത് അംഗത്വം രാജിവച്ചിരുന്നു. തുടർന്ന് യുഡിഎഫും ബിജെപിയും സ്വതന്ത്ര അംഗവും ചേർന്ന് ആറുമാസം മുമ്പ് അവിശ്വാസം കൊണ്ടുവന്നിരുന്നെങ്കിലും പരാജയപ്പെട്ടു. തുടർന്നുനടന്ന ഉപതെരഞ്ഞെടുപ്പിൽ എൽഡിഎഫ് അംഗം രാജിവച്ച വാർഡ് യുഡിഎഫ് പിടിച്ചു. അതോടെ യുഡിഎഫിന് ആറ് അംഗങ്ങളായി.