ഇടുക്കി :കാണാതായ പൂച്ചയെ തിരികെ ലഭിക്കുന്നതിനായി 4000 രൂപ പാരിതോഷികം പ്രഖ്യാപിച്ച് വീട്ടമ്മ. പൂച്ചയുടെ ചിത്രത്തോടുകൂടിയ പോസ്‌റ്ററുകൾ കുമളിയിലുടനീളം പതിപ്പിച്ചിരിക്കുകയാണ് ഇവര്‍. എറണാകുളം സ്വദേശിനിയായ വീട്ടമ്മയുടെ ഓറഞ്ച് ക്യാറ്റ് വിഭാഗത്തിൽപ്പെട്ട കുഞ്ഞിക്കുട്ടനെന്ന് വിളിക്കുന്ന പൂച്ചയെ കഴിഞ്ഞ മാസം 28 മുതലാണ് കുമളിയിൽനിന്ന് കാണാതാവുന്നത് (Owner Announced Reward For Finding Missing Pet Cat ).
സമൂഹമാധ്യമങ്ങൾ വഴി പോസ്‌റ്ററുകൾ പ്രചരിച്ചതോടെ പൂച്ചയുടെ രൂപസാദൃശ്യം തോന്നുന്ന പൂച്ചകളെ കണ്ടെത്തി നിരവധി പേർ വിളിച്ചിരുന്നെന്നും അതൊന്നും താൻ ഓമനിച്ചുവളർത്തിയ പൂച്ചയല്ലെന്നും വീട്ടമ്മ പറഞ്ഞു.
നായയെ കണ്ടുപിടിച്ചു നല്‍കുന്നവര്‍ക്ക് ഒരു ലക്ഷം പാരിതോഷികം :കാണാതായ വളർത്തുനായയെ അന്വേഷണത്തിനൊടുവിൽ കണ്ടുപിടിച്ചിരിക്കുകയാണ് ജയ്‌പൂർ സ്വദേശിയായ അനിത ജോത്വാനി (Jaipur women announces rs 1 lakh reward for missing pet dog). ജയ്‌പൂരിലെ മാളവ്യ നഗർ മേഖലയിലാണ് സംഭവം നടക്കുന്നത്. അനിത ജോത്വാനിക്ക് തന്‍റെ വളർത്തുനായയായ പോപ്കോണിനെ ഏറെ നേരമൊന്നും കാണാതിരിക്കാന്‍ കഴിയില്ലായിരുന്നു. ഇതിനിടെയാണ് പോപ്കോണിനെ കഴിഞ്ഞ മാസം കാണാതായത്.
വളരെ വിഷമത്തിലായ അനിത നാലു ദിവസം ഭക്ഷണം കഴിക്കാതെ തന്‍റെ പ്രിയപ്പെട്ട നായക്കുട്ടിയ്‌ക്കായി കാത്തിരുന്നു. നാലു ദിവസം കഴിഞ്ഞും പോപ്‌കോണ്‍ മടങ്ങിയെത്താതായതോടെ യുവതി തന്‍റെ നായയെ കണ്ടുപിടിച്ചു നല്‍കുന്നവര്‍ക്ക് ഒരു ലക്ഷം പാരിതോഷികം പ്രഖ്യാപിച്ചിരുന്നു.
അന്വേഷണത്തിലൊടുവിൽ പോപ്കോണിനെ അനിതയ്‌ക്ക് തിരിച്ചു കിട്ടി. മോഡൽ ടൗണിൽ താമസിക്കുന്ന അനിത ജോത്വാനിയുടെ വളർത്തുനായയെ കഴിഞ്ഞ മസം രണ്ട് യുവാക്കൾ ചേർന്ന് മോഷ്‌ടിക്കുകയായിരുന്നു. മാളവ്യ നഗർ പൊലീസ് സ്‌റ്റേഷനിൽ യുവതി പരാതി നൽകിയിരുന്നു. പരിശീലകനായ രഞ്ജിത് യാദവാണ് തന്‍റെ വളർത്തുനായയെ നടക്കാനായി കൊണ്ടുപോയതെന്ന് യുവതി പൊലീസിനോട് പറഞ്ഞിരുന്നു.