ഇടുക്കി:പഞ്ഞ കര്‍ക്കടകം പടികടുന്നു, ഇനി സമ്പൽസമൃദ്ധിയുടെ പൊന്നോണക്കാലമാണ്. വിളവെടുപ്പിന്‍റെയും പ്രതീക്ഷയുടെയും കാലം. ഇത്തവണ ഏത്തവാഴ കര്‍ഷകരും ഏറെ സന്തോഷത്തിലാണ്. ഏത്തക്കായ്ക്ക് വിപണിയില്‍ വില ഉയര്‍ന്നതാണ് കര്‍ഷകര്‍ക്ക് പ്രതീക്ഷ നൽകുന്നത്.
കഴിഞ്ഞ കുറച്ച് വര്‍ഷങ്ങളായി ഇടുക്കിയിലെ ഏത്തവാഴ കര്‍ഷകര്‍ക്ക് ഓണം വെറുമൊരു ഓര്‍മ മാത്രമായിരുന്നു. കലിതുള്ളി കടന്നുപോയ കാലവര്‍ഷങ്ങളും കൊവിഡുമെല്ലാം ഏത്തവാഴ കര്‍ഷകരുടെ ഓണക്കാല പ്രതീക്ഷകള്‍ക്കുമേല്‍ കരിനിഴല്‍ വീഴ്ത്തിയിരുന്നു.
ഓണക്കാലത്ത് ഏറെ പ്രതീക്ഷയിൽ ഇടുക്കിയിലെ ഏത്തവാഴ കര്‍ഷകർ