എറണാകുളം :പോപ്പുലർ ഫ്രണ്ട് പ്രവർത്തകർക്ക് അഗ്നിശമന സേനാംഗങ്ങൾ പരിശീലനം നൽകിയത് ഗൗരവമായി അന്വേഷിക്കണമെന്ന് പ്രതിപക്ഷ നേതാവ് വി.ഡി.സതീശൻ. പൊലീസിലും അഗ്നിശമന സേനയിലും ആർ.എസ്.എസുകാർ നുഴഞ്ഞുകയറുന്നുവെന്ന് സി.പി.എം തന്നെ പറയുന്നു. മറുഭാഗത്ത് എസ്.ഡി.പി.ഐക്കാർ നുഴഞ്ഞുകയറുന്നതായി വാർത്തവരുന്നു.
ന്യൂനപക്ഷ തീവ്രവാദികളെയും ഭൂരിപക്ഷ തീവ്രവാദികളെയും സി.പി.എം താലോലിക്കുകയാണെന്ന് വി.ഡി.സതീശൻ ആരോപിച്ചു. സോഷ്യൽ എഞ്ചിനിയറിങ് എന്ന പേരിട്ട് പിണറായി നടത്തുന്നത് മത പ്രീണനമാണ്. അതിനുവേണ്ടി ചെയ്ത് കൊടുക്കുന്ന സൗകര്യങ്ങളുടെ ഭാഗമാണ് ഇത്തരം സംഭവങ്ങളെന്നും വി.ഡി.സതീശൻ പറഞ്ഞു.
ന്യൂനപക്ഷ, ഭൂരിപക്ഷ തീവ്രവാദികളെ സി.പി.എം താലോലിക്കുന്നു: വി.ഡി.സതീശൻ