എറണാകുളം : സര്‍ക്കാരിനെയും ആഭ്യന്തരവകുപ്പിനെയും രൂക്ഷമായി വിമര്‍ശിച്ച് പ്രതിപക്ഷ നേതാവ് വി ഡി സതീശന്‍. രാഷ്‌ട്രീയ സമൂഹികരംഗത്ത് ധ്രുവീകരണത്തിനായി വര്‍ഗീയ ശക്തികളുണ്ടാക്കുന്ന സംഘര്‍ഷങ്ങളാണ് ഇപ്പോഴത്തേതെന്നും അവ തടയുന്നതില്‍ സര്‍ക്കാര്‍ സംവിധാനങ്ങള്‍ പരാജയമാണെന്നും അദ്ദേഹം കൂട്ടിച്ചേര്‍ത്തു.
രാഷ്‌ട്രീയ കൊലപാതകങ്ങള്‍ വര്‍ധിക്കുന്നത് കേരള രാഷ്ട്രീയത്തിൻ്റെ പരമ്പര്യത്തിന് ചേർന്നതല്ല. മുഖ്യധാര പാർട്ടികളും പൊതുസമൂഹവും വളരെ ഗൗരവത്തോടെയാണ് ഇതിനെ നോക്കിക്കാണേണ്ടത്. പരസ്‌പരം കൊലപാതകാഹ്വാനങ്ങള്‍ നടത്തുന്നവർക്കെതിരെ നടപടി സ്വീകരിക്കാന്‍ പൊലീസ് തയാറാകുന്നില്ലെന്നും പ്രതിപക്ഷ നേതാവ് കുറ്റപ്പെടുത്തി.
പ്രതിപക്ഷനേതാവ് വി ഡി സതീശന്‍ മാധ്യമങ്ങളോട് സംസാരിക്കുന്നു