എറണാകുളം: കൊവിഡ് വാക്‌സിൻ അധിക ഡോസ് സ്വീകരിക്കാൻ അനുവദിക്കണമെന്ന് ആവശ്യപ്പെട്ട് ഹൈക്കോടതിയിൽ ഹർജി. കൊവാക്‌സിൻ സ്വീകരിച്ച കണ്ണൂർ സ്വദേശിയാണ് ഹർജി നൽകിയത്. കൊവിഷീൽഡ് കൂടി സ്വീകരിക്കാൻ അനുവദിക്കണമെന്നാണ് ഹർജിയിലെ ആവശ്യം.
അധിക ഡോസ് വാക്‌സിൻ വേണം, പണി പോകും; ഹൈക്കോടതിയിൽ ഹർജിയുമായി പ്രവാസി
ഇന്ത്യ തദ്ദേശീയമായി വികസിപ്പിച്ചെടുത്ത കൊവാക്‌സിൻ സ്വീകരിച്ചതിനാൽ പരാതിക്കാരന് സൗദിയിലുള്ള ജോലിക്കായി പോകാൻ കഴിയുന്നില്ലെന്ന് ഹർജിയിൽ പറയുന്നു.
vaccinated Keralite moves to high court for third jab
Also Read: ബ്രസീലിലെ കൊവാക്‌സിൻ വിതരണം; കമ്പനികളുമായുള്ള കരാര്‍ റദ്ദാക്കി ഭാരത് ബയോടെക്ക്
സൗദിയിൽ ജോലി ചെയ്യുന്ന തന്‍റെ വിസ കാലാവധി ഈ മാസം തീരുമെന്നും കൊവാക്‌സിന് അന്താരാഷ്ട്ര അംഗീകാരമില്ലാത്തതിനാൽ വിദേശത്ത് പോകാൻ കഴിയുന്നില്ലെന്നും ഹർജിക്കാരൻ കോടതിയെ അറിയിച്ചു. കൊവാക്‌സിന് അംഗീകാരമില്ലെന്ന വിവരം അധികൃതർ മറച്ചുവെച്ചുവെന്ന വിമർശനവും ഹർജിയിൽ ഉന്നയിക്കുന്നു. ഹർജിയിൽ കേന്ദ്രസർക്കാരിനോട് ഹൈക്കോടതി വിശദീകരണം തേടി. കേസ് ഓഗസ്റ്റ് ഒമ്പതിന് വീണ്ടും കോടതി പരിഗണിക്കും.