ദോഹ:ഖത്തര്‍ ലോകകപ്പില്‍ സെർബിയക്കെതിരെ റിച്ചാര്‍ലിസന്‍റെ ഇരട്ടഗോളാണ് ബ്രസീലിന് മിന്നും ജയമൊരുക്കിയത്. മത്സരത്തിന്‍റെ രണ്ടാം പകുതിയിലാണ് റിച്ചാര്‍ലിസന്‍ കാനറികള്‍ക്കായി വലകുലുക്കിയത്. 62-ാം മിനിറ്റിലാണ് സെര്‍ബിയയുടെ പ്രതിരോധപ്പൂട്ട് റിച്ചാര്‍ലിസണിലൂടെ ബ്രസീല്‍ ആദ്യം പൊളിച്ചത്.
സെര്‍ബിയയ്‌ക്കെതിരായ മത്സരത്തിന്‍റെ 73ാം മിനിറ്റില്‍ ബ്രസീല്‍ താരം റിച്ചാര്‍ലിസന്‍ നേടിയ അക്രോബാറ്റിക് ഗോള്‍ ലോകകപ്പില്‍ ഇതേവരെയുള്ളതില്‍ വച്ച് ഏറ്റവും മികച്ചതെന്ന് വിലയിരുത്തല്‍.
വിനീഷ്യസിന്‍റെ ഷോട്ടില്‍ നിന്നുള്ള റീബൗണ്ട് വലയിലെത്തിച്ചാണ് റിച്ചാര്‍ലിസന്‍റെ ഗോള്‍ നേട്ടം. തുടര്‍ന്ന് 73-ാം മിനിറ്റിലായിരുന്നു താരം രണ്ടാം ഗോള്‍ നേടിയത്. ലോകകപ്പിൽ ഇതുവരെ കണ്ടതിൽവച്ച് ഏറ്റവും മനോഹരമായ ഗോളാണിതെന്നാണ് വിലയിരുത്തല്‍.
ഇടത് വിങ്ങില്‍ നിന്നും വിനീഷ്യസ് നല്‍കിയ പാസിലായിരുന്നു റിച്ചാര്‍ലിസന്‍ ഈ ഗോളടിച്ചത്. ബോക്‌സില്‍ സ്വീകരിച്ച പന്ത് പതിയെ വായുവിലേക്കുയര്‍ത്തി ഒരു തകര്‍പ്പന്‍ അക്രോബാറ്റിക് സിസർ കിക്കിലൂടെയാണ് റിച്ചാര്‍ലിസന്‍ വലയിലെത്തിച്ചത്. റിച്ചാർലിസന്‍റെ ഈ ഗോളില്‍ ത്രില്ലടിച്ചിരിക്കുകയാണ് ആരാധക ലോകം.
also read: വേദനയില്‍ പുളഞ്ഞ് നെയ്‌മര്‍; നെഞ്ചിടിച്ച് ബ്രസീല്‍ ആരാധകര്‍