മെല്‍ബണ്‍: ഓസ്ട്രേലിയൻ ഓപ്പണ്‍ പുരുഷ സിംഗിൾസിൽ സ്പെയിനിന്‍റെ സൂപ്പർ താരം റാഫേൽ നദാല്‍ ഫൈനലിൽ പ്രവേശിച്ചു. സെമിയിൽ ഇറ്റലിയുടെ മാറ്റിയോ ബെരറ്റിനിയെ ഒന്നിനെതിരെ മൂന്ന് സെറ്റുകൾക്കാണ് നദാൽ തകർത്തത്. സ്കോർ: 6–3, 6–2, 3–6, 6–3. സ്റ്റെഫാനോസ് സിറ്റ്‌സിപാസ്- ഡാനില്‍ മെദ്വെദേവ് മത്സരത്തിലെ വിജയിയെ നദാൽ ഫൈനലിൽ നേരിടും.
ഓസ്ട്രേലിയൻ ഓപ്പണിൽ നദാലിന്‍റെ ആറാമത്തെ ഫൈനലാണിത്. കരിയറിലെ 29-ാം ഗ്രാൻഡ് സ്ലാം ഫൈനലും. ഫൈനലിൽ വിജയിക്കാനായാൽ 21 ഗ്രാൻഡ് സ്ലാം കിരീടം എന്ന അപൂർവനേട്ടം നദാലിന് സ്വന്തമാക്കാം. സ്വിസ് ഇതിഹാസം റോജര്‍ ഫെഡറര്‍, സെര്‍ബിയയുടെ നൊവാക് ജോക്കോവിച്ച് എന്നിവർക്കൊപ്പം 20 ഗ്രാൻഡ് സ്ലാം കിരീടവുമായി തുല്യതയിലാണ് നദാൽ ഇപ്പോൾ.